Ibinahagi ng singer na si Frenchie Dy sa publiko na muli siyang inatake ng Bell's palsy noong February 3, 2025.
Ito na raw ang ikatlong atake sa kanya.
Ayon sa medicalnewstoday, ang Bell's palsy ay "paralysis or severe weakness of the nerve that controls the facial muscles on the side of the face - the facial nerve or seventh cranial nerve."
Saad ni Frenchie sa video na in-upload niya sa Facebook, "Third Bell's palsy attack, kakaloka.
"So, yesterday, habang nagla-lunch kami ni hubby, naramdaman ko na iba na yung panlasa ko. And sabi ko, 'Ba't ganito yung lasa, parang di masarap?'
"And then, mga after 1 o'clock, nung umiinom ako ng tubig, naramdaman ko na tumutulo na yung water.
"So, sabi ko, 'Shocks! Ito na, Bell's palsy na naman, pangatlong attack.'
"So, dumiretso agad ako sa hospital."
Sa Veterans Memorial Medical Center daw siya nagtungo dahil nurse daw doon ang kanyang kapatid.
Lahad pa niya, "So, first, pumunta ako muna sa endocrinologist ko.
"So, pinakita ko yung labs [lab results] ko, kay Dr. Ligon. So, tiningnan niya. And then sabi niya, 'Wow! Congratulations, may Bell's palsy ka na naman.'
"So, ni-refer niya ako sa neurologist. So, tsinek nila ako kung Bell's palsy nga.
"Tsinek muna kung may sensation ba yung parehas kong face, and then tsinek kung pantay ba yung lakad ko, pantay yung kamay ko, yung arms ko, and then okay naman."
Sa puntong ito ay biglang naputol ang video ni Frenchie.
Pagbalik niya, sabi ng singer, "Medyo naiiyak ako kasi pinanghinaan ako ng loob.
"Pero I know na maraming nagpi-pray for me.
"Nandito ang anak ko. Nandiyan ang asawa ko, andiyan ang mga anak ko, my friends.
"Lahat ng sumusuporta sa akin nandiyan so kaya ko ito, laban lang."
Ipinakita rin niya ang maraming gamot na kailangan niyang inumin para siya ay gumaling.
Sa huli, sabi ni Frenchie, "Pero ngayon, parang mas grabe siya, e.
"Unlike yesterday, nagagalaw ko siya.
"Ngayon, medyo hindi siya... hindi siya gumagalaw ngayon.
"So, sa kasunod na video, siguro makikita natin.
"Sabayan niyo ako sa recovery ng Bell's palsy ko."
Read: Barbie Hsu's husband DJ Koo breaks silence on money issue
OTHER CELEBS WITH BELL'S PALSY
Bukod kay Frenchie, marami pang celebrities ang naglahad na meron silang Bell's palsy.
JANEENA CHAN
Noong 2016, sinabi ng beauty blogger at TV host na si Janeena Chan na natakot siya dahil na-diagnose siyang meron nito.
Sabi niya sa kanyang blog: "I found myself so nervous and traumatized on the therapy bed. I actually felt claustrophobic with all the covers, the bright light, and with just how overwhelming everything was… Especially since I wasn’t really briefed on how the therapy will go. I couldn’t blame my therapist.
"He was only doing his job—Treat me immediately! And I was grateful enough to have been treated that same night too, or God knows how much more worse my case could’ve been."
Read: Janeena Chan recalls how Bell's Palsy paralyzed her career and half of her face
WENCY CORNEJO
Taong 2019 nang ma-diagnose ng Bell's palsy ang dating AfterImage vocalist na si Wency Cornejo.
Kapansin-pansin noon ang pagbagsak ng kanyang kaliwang mata at kaliwang bahagi ng bibig.
Tila hirap din siya noong magbigkas ng salita dahil sa dinanas na partial facial paralysis.
Pero hindi ito naging hadlang para patuloy pa ring mag-perform si Wency sa tuwing kukunin siya sa ilang shows.
Read: Wency Cornejo on recovering from Bell's Palsy
ANGELU DE LEON
Taong 2017, sinabi ng aktres na si Angelu de Leon na patuloy pa rin daw ang gamutan ng kanyang Bell's palsy.
Sa isang post noong January 10, ipinakita ni Angelu sa kanyang followers sa Instagram ang kaliwang pisngi niyang sumailalim sa acupuncture.
Saad niya, “Bruised cheeks c/o my Korean acupuncturist Dr. Marie Lee. But all good because she had to pop the blood clot inside that was blocking the blood from flowing to my upper lip.
“It's my left eye and upper lip na lang that shows the bells palsy.
“Thank you for all the prayers. I know God is not yet done. I am still claiming and declaring COMPLETE healing and a restoration of my facial nerves in JESUS' name.”
Read: Angelu de Leon prays for full recovery from Bell's palsy
BERNADETTE SEMBRANO
Noong 2011, sa pamamagitan ng kanyang Twitter account, kinumpirma ng ABS-CBN newscaster na si Bernadette Sembrano na may Bell's Palsy siya.
Kuwento niya sa defunct show na The Buzz, "Linggo ng umaga sa Salamat Doc, meron tayong headset.
"Sabi ko, malakas yata ang earpiece ko kasi sumasakit ang tenga ko. Binalewala ko lang.
"And then, during TV Patrol at night, sabi ko, parang may mali sa mata ko.
"Akala ko yung kaliwa kong mata, twitch nang twitch. Sabi ko, 'A, baka pagod.'
"Pinikit ko lang during commercial, nakapikit lang ako.
"The following day, ganoon pa rin, parang pagod pa rin ang mata.
"Tapos, meron tayong meeting sa Salamat Doc, at ang nakakagulat, ang pinag-uusapan nating topic, Bell's Palsy. Of all topics, Bell's palsy pa!
"So, nagbiro pa ako, sabi ko, baka ako ang case study sa Bell's Palsy kasi nga ayaw ngang pumikit ng isa kong mata. Mahapdi, iyak nang iyak, tapos yung isa, pikit nang pikit."
Maagap naman daw na nagpa-check-up si Bernadette.
"Pag-check ng ophthalmologist, sabi ko, 'Doc, baka Bell's Palsy.'
"Tsinek yung mata ko, sabi niya, 'Wala kang mali. I think you should go to your neurologist.'
"But prior to my appointment with my neurologist, I also talked with my chiropractor, sabi ko, 'Doc, feeling ko I have Bell's Palsy.'
"Pag-iyak ko, isang mukha ko lang ang kumulubot. E, iiyak ka na, napatigil ka pang bigla kasi na-conscious ako, kumulubot yung isang... one side of my face.
"That same day, pumunta ako sa neurologist. Body test, taas ang kilay. Taas ang kilay na ganoon, isa lang ang tumataas. Pinapikit ako, isa lang ang pumikit.
"Sabi niya, 'You're right, you have Bell's Palsy.'"
Read: Newscaster Bernadette Sembrano remains positive despite being diagnosed with Bell's Palsy
AI-AI DELAS ALAS
Noon namang 2014, inamin ni Ai-Ai delas Alas na nagkaroon siya ng Bell’s palsy ngunit inilihim niya ito noon.
Ginawa ng komedyana ang pag-amin sa press conference ng pelikula nila nina Kim Chiu at Xian Lim, ang Past Tense, noong November 11, sa Dolphy Theater ng ABS-CBN.
Sabi ni Ai-Ai, “Matagal po, two weeks akong hindi nakapag-shoot.
“Pero, praise God, ang Bell’s palsy ko, matagal yun, pero two weeks lang ang ibinigay sa akin ni Lord."