Ang low-key na si Enrique Gil ay naka-safety ang mga kinikita niya sa showbiz
"In properties po," ang kanyang sagot nang matanong siya ng Real Talk ng PEP.ph (Philippine Entertainment Portal) tungkol sa kanyang mga investments, na hina-handle ng kanyang ina na si Bambi Gil.
May mga small hobbies siya, pero hindi raw siya gastador.
"Ever since before, doon talaga nag-focus si Mama.
"Hindi ako masyadong makotse or, well, sa clothes or sa mga, you know, other stuff."
Kung may luho man siya, "yung mga statues ko...personal stuff."
Avid collector ng movie character statues si Enrique.
Sa pagpapatuloy niya: "But sa ano po talaga, sa lupa, ever since nagsimula ako sa showbiz.
"Buti nandiyan si Mama. Si Mama talaga, yun ang sabi nun, 'Invest sa lupa, lupa, lupa.' So doon talaga po ako nag-invest ever since."
View this post on Instagram
ENRIQUE GIL'S BUSINESS
Bukod sa pagiging aktor, isa ring producer si Enrique.
Siya ang may-ari ng Slingshot Studios, na co-producer ng ongoing series niyang A Secret in Prague, na umeere sa TV5 at Netflix.
Isa rin siyang businessman.
Noong 2021, sinimulan nila ang build-and-sell venture na Gil Side Homes.
Nakailang lupa na siya?
Sagot ng binata: "Well, nakabenta na po ako ng tatlo. Pero ang hirap din kasi, ang mamahal din ang lupa po, e.
"Now, I'm thinking of build-and-sell...I sold three properties na. Two houses in BF [Parañaque] and one beach house."
Yung beach house na sinasabi niya ay madalas na makita sa kanyang social-media feed noon. Isa itong five-story property sa Anilao, Batangas.
ENRIQUE GIL'S properties
Sa tonong hindi nagmamayabang, binilang ng actor/ producer/ entrepreneur ang mga nabili niyang property.
"Mayroong isang rental ako na property.
"Tapos nakabili po ako ng farm sa Tagaytay, apartment sa Spain, may lupa pa sa Cebu.
"And one, two, three, four... mga four, five, mga limang lupa pa po sa around Manila.
"A, no, sorry, hindi lang lima. Mga seven po. Pero ang iba kasi, medyo prime. Yung isa beachfront so medyo mataas yung bentahan."
So, in total, nasa 11 ang bilang ng kanyang real-estate properties.
Pinapataas daw muna niya ang value nila bago ibenta. Sa katunayan, for sale na ang ilan sa mga lupang binanggit niya.
Aniya, "Binebenta ko na po. It's in the market right now. Pero grabeng pagkabili ko noon. Hindi ko na sasabihin."
Nagsingit pa siya ng tip: "Kailangan kapag beachfront, malaki talaga yung value. Saka yung Tagaytay din."
Read: Amy Austria on why she never stresses over "pasaway" co-stars
ENRIQUE GIL's best financial advice comes from his MOM
Edad 16 noong nagsimula sa showbiz si Enrique.
Naging kabilang siya sa mahigit 20 series at 20 movies. Nagbida rin siya sa mga commercials noong kasagsagan ng love team nila ng ex-girlfriend na si Liza Soberano.
Napalago ang kinikita ng 34-year-old star.
Kuwento ng A Secret in Prague actor-producer: "Yes po. Dapat sure. Kasi yung sa buhay, hindi talaga sure, e.
"I mean, I've always wanted to... kasi si Mama, magaling magluto, gustong mag-restaurant, pero problema, ang hirap din to get into stuff, e.
"You have to pay so much tapos pag hindi mag-work, sakit sa ulo.
"So we made sure na, you know, yung pinaghirapan mong pera, you put it in somewhere na talagang you cannot go wrong. Lupa po talaga iyan."
Ang nakatira naman sa property niya sa Spain ay ang kanyang sister na si Andie.
"My sister, she's staying in the apartment. Siya po yung nandoon. Yes.
"And so every holidays po, nandoon kami.
"So si Mama, eventually, kapag magre-retire na, so she'll stay there couple months, tapos dito naman sa akin."
Bakit sa Spain niya piniling bumili ng property?
Sagot niya: "Yung family ko po came from there, yung father side ko.
"Yung dad ko lang talaga yung naiwan dito. Lahat ng kapatid niya, all Europe.
"So, yeah. So I think it's a good opportunity.
"Yung sister ko rin, para makapag-work, since nag-study naman siya sa London.
"So sabi niya kasi, hindi niya lang nakikita sa sarili niya mag-work dito.
"So, yung sister ng dad ko, may company siya doon. Parang she has her own company, Astra, where they export mga meat, beef, basically, all-around Europe.
"So, sixty na siya, wala siyang anak. So gusto na niyang mag-retire, sabi niya, kasi si Andie, wala namang ginagawa dito at that time.
"Sabi niya, 'Andie, fly here now. You work for my company na.' Eventually, ibibigay sa kanya ang kumpanya.
"So, yun. So at least, you know, she has her own stuff that she's earning and she's doing really well na.
"She's earning on her own. May sariling buhay na siya doon. May boyfriend na.
"So at least, di ba, hindi na ako yung nagsu-support. They have all... yung kuya ko, yung sister ko, they're all very good na. In a way secured."
Nanay mo rin ba ang may hawak ng build-and-sell business?
"Siyempre si Mama yung... hindi po ako magaling mag-build ng house, so si Mama po iyan.
"So, siyempre, dahil nagtrabaho naman si Mama to build the houses, may percent po sa tuwing nabebenta po iyan.
"Yung mga bahay ko, lupa, since family business naman."
Read: Katrina Halili says new business is additional source of income
ENRIQUE ON HIS FUTURE PLANS
Nakikita ba niya ang sarili na bubuo ng pamilya?
"I can't say yet but it has always been my dream. You know, yun talaga yun.
"Of course, I want, di ba? Matagal ko nang gusto yun.
"Just, right now, I'm not sure. I'm so busy kasi, you know, I just came back.
"Andami ko pang gustong i-set up, you know, para talagang puwede na akong magpahinga nang malala, di ba?
"But yeah, but, you know, it's always been my dream to be a dad and to have a family."
Siya ba yung tipo na nagpaplano o nagbibigay ng deadline sa sarili?
"Yes, yes. Usually. Ganun po lagi ako. Gusto kong naka-set na yun sa mind ko.
"That's what I've learned also in life na you can never say talaga. Yung di mo masi-set ang deadline.
"Pag may mangyari, may mangyari. So, that's what I learned. Na hindi ko na kinu-close yung mind ko na, 'Dapat ganito kasi,' tapos pag hindi na mangyayari, di ba, parang... hindi lang frustrated, pero parang you don't know what to do."
Nadi-disorient siya pag ganun?
"Oo, kasi, 'Parang hindi, e, dapat ganito mangyayari, e, sa buhay ko, e.'
"But, you know, life's really uncertain. So, I just learned to do it day by day, day by day.
"Kasi, you know, the me tomorrow is not the me today. So, malay mo, di ba?"
Sa huli, inusisa din siya ng Real Talk kung gastador ba siya o masinop?
Natatawa niyang sagot: "Well, kaka-shopping ko lang kanina.
"Well, ngayon lang kasi, sa tagal po noong pandemic, nasa bahay lang ako. Hindi ako lumalabas.
"So hindi po ako gumagastos talaga unless mga statues ko.
"Pero kailangan naman kasi for work kasi I need to, you know, kailangan ng bagong damit when we're going out.
"So, mahilig din ako...sa some fashion stuff.
"Of course, e, if you're a figure of public figure, you need to look good when you're out.
"So that's why, napapabili ako, shopping. Pero ang gastos ko na ngayon, mga life-size statues ko. Nagko-collect po ako mga statues, e."
Mapapanood ang full exclusive Real Talk interview (Parts 1 and 2) kay Enrique sa YouTube channel ng PEP.ph.
Read: Enrique Gil reveals he almost quit showbiz after pandemic