Ipinaliwanag ni Janice de Belen kung bakit hindi siya nakikialam sa love life ng mga anak.
Ang panganay niyang si Luigi Muhlach ay anak ng aktres sa dating karelasyong si Aga Muhlach.
May apat naman siyang anak sa ex-husband na si John Estrada: sina Inah de Belen, Moira Estrada, Kaila Estrada, at Yuan Estrada.
Read: Janice de Belen and her one major rule for kids
JANICE DE BELEN: "all my children are adults."
Sa pictorial ng Espantaho, na enrty ng Quantum Films sa Metro Manila Film Festival (MMFF) 2024, nausisa ng PEP.ph (Philippine Entertainment Portal) si Janice ukol dito.
Saad niya: "Kasi, doon lang yan. Actually, very simple lang yan.
"Kahit na ano pa sabihin ko, gagawin din naman nila kung ano yung gusto nila.
"So, para hindi ka na lang sumama ang loob, huwag niyo na hingin yung opinion ko.
"Yan naman nilagi ko sinasabi sa kanila. And again, all my children, all my children are adults.
"Alam naman nila siguro at this point kung paano protektahan yung sarili nila.
"Alam nila kung masasaktan ba sila o hindi sila masasaktan.
"They should be the judge of it, di ba? Dapat ma-experience din nila yan.
"So, later on, they have lessons to learn."
Tingin ng iba, napakasuwerte ni Janice sa mga anak niya dahil walang pasaway sa mga ito.
Pagsang-ayon ng aktres, "Thank God, yung mga pasaway, yung normal na pasaway.
"Wala namang extraordinary na talagang... na ikalulupasay ko.
"Wala namang ganun. Ikakadrama ko nang konti pero hindi naman yung naglulupasay ako."
Read: Janice and Gelli de Belen are proud parents of graduates
JANICE DE BELEN: "I'm proud of all my children. "
Very proud din si Janice sa anak niyang si Kaila Estrada, na kaliwa't kanan ang papuring natatanggap sa mga nagdaang acting projects nito.
Aniya, "I'm very proud of Kaila.
"Any parent would be proud of her child who's succeeding in what they are doing.
"I'm proud of all my children. Magkakaiba man sila ng field na ginagawa, I'm always proud of them.
"Lagi kong dasal yun na sana yung mga anak ko mas maging successful kesa sa akin."
Sa ilang panayam kay Kaila, lagi niyang sinasabing napi-pressure siya tuwing umaarte dahil kilalang magaling na aktres ang ina. Pero, nalagpasan nito ang expectations ng iba.
Saad ni Janice, "Ay, niloloko ko lagi siya.
"'Oo, hindi na nga ako nanay ni Kaila.' Ay, hindi, hindi na nga siya 'Anak ni Janice.'
"'Nanay na ako ni Kaila,' lagi ko siya niloloko."
Ang bansag kay Kaila dati ay "Anak ni Janice."
Dagdag ni Janice, "Oo, niloloko ko siya, 'Dapat na ba ako nerbiyosin?' Lagi ko sinasabi yun sa kanya."
Read: Kaila Estrada earns praises for Can't Buy Me Love acting