Nanganak na si Kiray Celis sa panganay nilang supling ng asawang si Stephan Estopia.
Sa Instagram noong November 19, 2026, ibinahagi ni Kiray ang isang short Reel ng kanyang pagpasok sa birthing room ng Makati Medical Center.
Makikita ring nakaantabay sa kanyang tabi ang asawang si Stephan.
Maiksing caption ni Kiray (published as is), "Pinaka magandang blessing na natanggap at dumating samin."
View this post on Instagram
Sa isang bahagi ng Reel, ipinakita ang bagong silang na sanggol.
May nakalapat itong mga salitang: "Magpapasko at Bagong Taon na kasama ang pinakamagandang regalo galing kay Lord."

Sa kasalukuyan ay hindi pa nila ibinabahagi ang pangalan ng anak o ang gender nito sa bagong post.
Pero noong Mayo 2026, nagkaroon ng gender reveal party ang mag-asawa at lumabas na lalaki ang magiging panganay nila.
View this post on Instagram
Read: Carlos and Chloe recall love story in Japan prenup shoot
KIRAY ANNOUNCES PREGNANCY IN APRIL 2026
Inanunsiyo ni Kiray na siya ay nagdadalantao sa pamamagitan ng kanyang Facebook page noong April 24, 2026.
Sabi niya sa video clip na may kalakip na titulong "Ginding out I'm pregnat': "Ikaw ang pinakamatamis na sagot sa lahat ng panalangin namin."
Ipinakita naman ni Stephan ang ultrasound o sonography ng pagbubuntis ng asawa.
Aniya, na kapareho ng sinabi ng asawa, “Ikaw ang pinakamatamis na sagot sa lahat ng panalangin namin.”
Kinabukasan, April 25, ni-repost ni Kiray ang FB post ni Stephan.
Saad niya sa caption, "Finally, our little miracle is here. P.S. sana yung height makuha niya sa papa niya Stephan Estopia. HAHAHAHAHAHAHAHAHAHAHAHAHAHA!”
Read: Kiray Celis, pregnant sa first baby nila ni Stephan Estopia
Ikinasal sina Kiray at Stephan noong December 13, 2025 sa Shrine of St. Therese of the Child Jesus sa Newport City Complex, Pasay City.
Read: Kiray Celis is now married to Stephan Estopia
