Pinabulaanan ni Sofia Andres na break na sila ng boyfriend niyang si Daniel Miranda, isang international car racer.
Nag-ugat ang usap-usapang break na sila dahil sa pagbura ni Sofia sa lahat ng larawan nilang dalawa ni Daniel sa kanyang Instagram account noong nakaraang linggo.
Kahapon, May 22, nag-post ang Kapamilya actress sa Instagram ng larawan niyang naliligo sa pool.
Dito ay nag-comment si Daniel ng “fire” at “in love” emoticons.
May isang netizen ang direktang nagtanong kay Sofia kung sila pa ba ng Cebu-based racer.
Sagot ng aktres ay “100” percent emoticon.
Ibig sabihin, sila pa ring dalawa.
Sa kanyang Instagram Stories (IG Stories) naman, nag-post si Sofia ng isang video ni Daniel.
Caption dito ng aktres: “Miss you @danielmirandaa_ (happycry emoticon).”
Nag-post din si Sofia ng larawan nilang dalawa ni Daniel na magkayakap.
October 2018 nagsimulang mag-post si Sofia ng mga larawan nila ni Daniel.
Simula noon, salit-salitan na silang nagbabahagi ng sweet moments nila sa Instagram.