Naging madamdamin ang pagtatagpo ng mag-amang Senator Ramon "Bong" Revilla Jr. at Cavite Vice Governor Jolo Revilla sa Asian Hospital and Medical Center ngayong Martes ng hapon, March 3.
Na-confine sa nasabing ospital si Jolo dahil sa tama ng bala habang naglilinis diumano ito ng baril noong February 28.
Read: Jolo Revilla rushed to the hospital for gunshot wound
Bagamat may anggulo ring nagtangka diumanong magpakamatay ang 26-anyos na bise-gobernador ng Cavite dahil sa matinding depresyon.
Ngayong araw ay pinagbigyan ng Sandiganbayan ang urgent motion ni Senator Bong—na naka-detain sa PNP Custodial Center dahil sa pagkakasangkot nito sa PDAF scam—na dalawin ang anak.
Read: Senator Bong Revilla’s motion to visit son Jolo in hospital granted
Ayon sa mga nakasaksi, napaiyak si Jolo nang makita ang ama at agad humingi ng tawad dito.
Sabi raw ni Jolo, "I'm very sorry, Papa."
Sagot naman daw ni Senator Bong, "We have to be strong, anak."
Binigyan ng limang oras si Bong, mula alas-tres ng hapon hanggang alas-otso ng gabi, upang makapiling si Jolo.
Sa ngayon ay hindi pa masabi kung ligtas na sa kumplikasyon si Jolo pagkatapos sumailalim ng operasyon upang tanggalin ang bala sa kanyang kanang dibdib.