Amalia Fuentes storms out of daughter Liezl Martinez’s cremation ceremony

Amalia Fuentes on daughter Liezl’s family: "All this time, they shut me off from her life because they wanted sila-sila. Ako, I was just in the sidelines, just watching that Liezl is alright. ’Andito ako sa sideline because I know she’s married and that is what her husband requires her na sila-sila lang. So, for the longest time, I was never part of their life, but I was always there for her.”


Naghayag ng kanyang sama ng loob ang dating movie queen na si Amalia Fuentes dahil diumano sa kabastusang ginawa sa kanya sa cremation ceremony ng anak niyang si Liezl Martinez.

Ginanap ang cremation ni Liezl sa Arlington Memorial Crematorium sa Araneta Avenue, Quezon City, ngayong Lunes ng umaga, March 16.

Hindi pa man tapos ang seremonya ay lumabas na si Amalia sa venue na galit na galit, base na rin sa video na inilabas ng ABS-CBN News ngayong gabi.

Nilapitan ng aktres ang mga miyembro ng media na nag-aabang sa labas ng venue at sinabihan niya ang mga ito ng: “Magsasalita ako, I wanna talk…”

Dito ay sinabi ni Amalia na hindi man lang daw binanggit ng host ng cremation ceremony ang pangalan nila ng kanyang ex-husband na si Romeo Vasquez, na umuwi pa mula sa Amerika para makita ang kanilang anak sa huling sandali.

Sabi pa ni Amalia, “Bobby spent one week with Liezl in California. Wala man lang mention sa aming dalawa.”

Read: Former couple Amalia Fuentes and Romeo Vasquez 'reunite' at their daughter Liezl Martinez's wake


IRREPLACEABLE. Pagkatapos nito ay naglabas na ng kanyang saloobin si Amalia tungkol sa pagkamatay ng kanyang nag-iisang anak at sa nangyari sa loob ng venue.

Saad ng 74-year-old actress, “Liezl is irreplaceable in my life. She is my only child.

“Everyone else there now can replace her.

“Albert can get married again. I’m not saying no, but he can replace Liezl as a wife.

“The children, when they eventually get married, they will find a mother-in-law, and that will be a replacement for Liezl.

“Ako, I can never replace my daughter.

“I’m the only one among all of them who has the biggest loss, the greatest loss.”

“I WAS ALWAYS THERE.” Hindi rin pinalampas ni Amalia ang pagkakataon upang patutsadahan ang pamilya ng kanyang anak, partikular na ang mister nitong si Albert Martinez.

ADVERTISEMENT - CONTINUE READING BELOW

Hindi naman kailan sa marami na hindi maganda ang naging relasyon ni Albert sa kanyang mother-in-law, lalo na noong mga unang taon ng pagsasama nila ni Liezl.

Ayon kay Amalia, “All this time, they shut me off from her life because they wanted sila-sila.

“Ako, I was just in the sidelines, just watching that Liezl is alright.

“Andito ako sa sideline because I know she’s married and that is what her husband requires her na sila-sila lang.

“So, for the longest time, I was never part of their life, but I was always there for her.”

Dagdag pa niya, “And yung mga pakitang tao, mga publicity na mga picture-taking na mga sweet, hindi ‘yan totoo!

“It is in the heart and Liezl knows that. And I was there.

“The last time I talked to her, she was all alone in her bedroom and she was crying.

“She was alone, for heaven’s sake!

“Her children… Alyssa was in school, Albert was taping. She was left alone and I was there for her.

“And this host of whatever place this is failed to mention the most important person in her life—si Bobby, her father, and me.”

Ulit pa niya, “Because I can never replace Liezl.

“Whatever happens, when these children get married, they will move on. They’ll have their own family to take care.

“Liezl loved her children but I loved her as much as she loves her children.”

Sinabi rin ni Amalia kung bakit hindi siya naging “upset” nang malaman niya noong una na may breast cancer si Liezl.

“I was hoping na mauuna ako.

“I was thinking I will not experience this day, which is the worst day of my life.

“I feel like ako na ang dapat mamatay,” umiiyak na sabi ni Amalia.

“I DID NOT INTRUDE.” Muli ring iginiit ni Amalia na hindi siya nakialam sa buhay ni Liezl nang magdesisyon itong sumama at magpakasal kay Albert.

ADVERTISEMENT - CONTINUE READING BELOW

“I want to let the whole public know na even though we are not mentioned, because puro asawa niya, puro lahat, we are here and we are the most important people…

“I raised my daughter by myself.

“And when she was 18, she had her husband, and I stepped back from her life because I wanted to give her a chance to be happy na.

“Kasi ang ini-expect ng tao na I will interfere, I will intrude.

“No, I did not intrude, ‘di ba?

“But now, on her last days, I wanted to be part again of that life.”

Ipinaalam din ni Amalia sa media kung bakit siya na-late sa cremation ni Liezl.

Himutok niya, “Hindi ko alam kung saan gagawin.

“Sila-sila ang nag-decide, yung mga best friend, yung mga ganun…

“Ako, where was I? Nowhere.

“Nobody talked to me. Nobody gave me the schedule.

“Every time people will ask me, 'I don’t know. I’m just a guest.'

“Ganun ang ginawa nila sa akin. And I want the public to know this once and for all.”

Sabi niya sa huli, “This will be my final statement.”

“I DID NOT ABANDON HER.” Pagkatapos makipag-usap sa mga miyembro ng media ay naglakad na si Amalia papunta sa kanyang sasakyan.

Hindi pa rin makontrol ng beteranang aktres ang kanyang damdamin at sinabi sa kasama niya na nanginginig siya, kaya pinainom muna siya ng tubig.

Babalik daw siya sa hospital kung saan siya naka-confine.

Sa kanyang paglalakad ay nilapitan siya ng kanyang pinakapaboritong pamangkin na si Aga Muhlach.

Pagkakita kay Aga ay niyakap ito ni Amalia at humagulgol muli.

Sabi niya sa aktor na pamangkin, "I have to let out of my system, Aga. Aga, I love you… you’re the only one who can understand me."

Dagdag pa ni Amalia, “I love Liezl. I did not abandon her… I did not abandon her!”

ADVERTISEMENT - CONTINUE READING BELOW

Nang makasakay na ay nagpatuloy na naman si Amalia sa paglabas ng kanyang hinaing.

Sabi ng aktres sa isang niyang kapatid: “Alam mo naman, I was a good mother to her. You know that.

“But now kinalimutan na nila lahat ‘yon. It’s about time…

“Biro mo, ayaw akong pagsalitain, itinago agad ang microphone.

“Mga walanghiya ‘yon, bastos! Bastos ang mga hosts dito!

“I want the public to know that…”

Sa huli, sabi ni Amalia tungkol sa kanyang pagsasalita sa media: “I did the right thing…”

Nagpasalamat din si Amalia sa kanyang mga kapatid na lalaki para sa kanilang “emotional support” at sa press.

Sumakabilang-buhay si Liezl noong Sabado, March 14, pagkatapos ng ilang taong pakikipaglaban sa breast at lung cancer. Siya ay 47 years old.

Read: Liezl Martinez dies at 47

Watch: Amalia Fuentes angry at how she and ex-husband Romeo Vasquez were treated at ceremony for daughter Liezl


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN