Tila hindi nabagbag ang damdamin ni Annabelle Rama sa mga binitawang salita ng anak na si Ruffa Gutierrez na nami-miss na niya ang ina.
Sa magkasunod na panayam ng PEP.ph (Philippine Entertainment Portal) sa former Miss World Second Princess, sinabi nitong na-miss na niya ang sweet messages ng ina.
At sa darating na Mother’s Day ay baka padalhan daw niya ito ng bulaklak.
Read: Ruffa Gutierrez not bothered by mom Annabelle Rama's recent tweets
Sa isa pang panayam ng PEP, apektado man ang nobyo na si Jourdan Mouyal sa mga naging pasaring ng ina ni Ruffa sa Twitter, sinabi ng actress-TV host na pinili niyang huwag na lang itong sagutin.
Read: Ruffa Gutierrez admits boyfriend Jordan Mouyal hurt by Annabelle Rama's Twitter rant
Ilang oras matapos lumabas sa PEP ang dalawang panayam kay Ruffa kahapon, May 7, kaagad namang nagparamdam si Annabelle sa kanyang Twitter account tungkol sa mga naging pahayag ng anak.
Hindi man nagbanggit ng pangalan si Annabelle ay halatang ang panganay at nag-iisang anak na babae ang pinatutungkulan niya.
Sabi ni Annabelle, “napaka-plastic” daw nito at akala'y “virgin” kapag lumalabas sa TV.
Ipinagdiinan din ni Annabelle na hindi niya babatiin ang taong kanyang tinutukoy.
Sinabihan din niya itong “asikasuhin na lang ang alagang aso” na P.G.—as in “patay-gutom.”
Narito ang sunud-sunod na tweets ni Annabelle kahapon, May 7:
1) Napaka plastic mo. Bakit ayaw mong ilabas ang totoo mong ugali!
— Annabelle Rama (@annabellerama2) May 7, 2015
2) Pag nasa TV ka, akala mo virgin. Wag kang umasa na babatiin kita...
— Annabelle Rama (@annabellerama2) May 7, 2015
3) You missed me? Bull shit!!! Asikasuhin mo na lang yung alaga mong aso as in asungot, P.G.
— Annabelle Rama (@annabellerama2) May 7, 2015