Hati ang reaksiyon ng netizens tungkol sa paghayag ng suporta ng ibang showbiz personalities para kay presidential aspirant at former Department of Interior and Local Government (DILG) Secretary Mar Roxas.
Nauna nang umani ng batikos ang KathNiel o ang magka-love team na sina Daniel Padilla at Kathryn Bernardo, na napabalitang tumanggap diumano ng “seven-figure-deal” kapalit ng pag-endorso kay Mar.
Ngunit iginiit ni Mar sa isang panayam na walang katotohanang may bayad ang pag-endorso sa kanya nina Daniel at Kathryn.
Read: Daniel Padilla, Kathryn Bernardo reportedly paid millions for endorsing Mar Roxas
MAR-LENI'S MUSIC VIDEO. Noong December 6, opisyal na inilunsad ang music video ng “Fast Forward” na kinanta nina Billy Crawford, Kris Lawrence, at Jay R.
Mapapanood sa naturang music video si Mar at ang running mate niya na si Camarines Sur Representative Leni Robredo.
Kabilang sa mga artistang bahagi ng music video sina Daniel, Kathryn, Melai Cantiveros, Jason Francisco, Karylle, at Chokoleit.
Naroon din sina Carla Abellana, Maricel Soriano, Rufa Mae Quinto, Angelu de Leon, at Ramon Bautista.
Ngunit sa panayam ng PEP.ph (Philippine Entertainment Portal) noong December 2, binigyang-linaw ng ginang ni Mar na si Korina Sanchez na ang kanyang kaibigan na si Karla Estrada at talent manager na si Arnold Vegafria ang nagsilbing daan upang mabuo ang "Fast Forward" music video.
"Kaibigan kasi si Karla," sabi ni Korina tungkol sa ina ni Daniel na ineendorso nga ang presidential aspirant niyang mister.
"Alam niyo, halos lahat ng nandoon, alaga ni Arnold Vegafria.
"E, si Arnold, parang kapatid ko.
"Sabi niya, ‘Ay, naku, kay Mar kaming lahat!’
“Sabi ko, 'Hindi ganyan. Sa pagpili ng pangulo, kailangan kausapin mo ‘yan dahil that’s a very personal choice at hindi mo rin kailangang utusan ‘yan. Hindi mo rin puwedeng bilhin.'
"So, we talked to them.
“We had dinner. Nakilala nila [si Mar].
"Walang pilitan talaga kasi nakakahiya."
Pinabulaanan din ni Korina ang ispekulasyong milyon ang ibinayad ng kampo ni Mar sa mga artistang nag-endorso sa kadidatura ng huli bilang pangulo.
Read: Korina Sanchez says she expected people to bask KathNiel for endorsing Mar Roxas
FEEDBACK FROM NETIZENS. Ilan sa mga artistang nag-post sa Instagram ng kanilang pag-endorso sa “Fast Forward” music video nina Mar at Leni ay nakatanggap ng pambabatikos mula sa netizens.
Katulad ni Carla na kinuwestiyon ng kanyang Instagram followers kung bakit si Mar ang napili niyang presidential bet para sa 2016 elections.
#FastForward ž� Padating na!
A photo posted by Carla Abellana (@carlaangeline) onDec 3, 2015 at 4:49am PST
Sabi pa ng isang Instagram follower ni Carla, ia-unfollow na raw niya ang Kapuso actres dahil sa pag-endorso nito kay Mar.
Isa rin si Billy sa nag-post ng “#Fast Forward” plug sa kanyang Instagram account.
A photo posted by Billy Crawford (@billyjoecrawford) onDec 4, 2015 at 5:50pm PST
Sa comments thread ng naturang post ay may ilang netizens na nagtanong kay Billy kung may bayad ang pag-endorso niya kay Mar.
Si Karylle ay nakatanggap din ng pambabatikos base sa comments sa kanyang Instagram post tungkol sa "Fast Forward" music video.
A photo posted by karylle tatlonghari-yuzon (@anakarylle) onDec 5, 2015 at 9:00pm PST
Ilan sa mga tagasuporta ni Karylle ang nagtanong kung bakit si Mar ang napili niyang presidential bet.
Maging si Ramon ay kinuwestiyon ng kanyang Instagram followers kung bakit nagdesisyon siyang suportahan si Mar.
A photo posted by ramon bautista (@ramonbautista) onDec 2, 2015 at 5:03am PST
Lalo pa’t minsan na umanong pinagtawanan ni Ramon ang “sablay na fist bump” ni Mar sa isang episode ng Kontrabando anim na buwan ang nakakaraan.
FREEDOM TO CHOOSE PREFERRED PRESIDENTIABLES. Sa kabilang banda, may ilan ding netizens ang naghayag na nirerespeto nila kung sinuman ang nais suportahan ng kani-kanilang iniidolo sa 2016 elections.
Sabi ng isang tagasuporta ni Carla, hiwalay ang kanyang paghanga para sa aktres at kung sinuman ang nais niyang iboto sa 2016 elections.
Ayon sa isang Instagram follower ni Billy, pabor siya sa napiling presidential candidate ng TV host-singer-actor.
Bilib naman ang isang netizen sa paninindigan ni Ramon na iendorso si Mar sa kabila ng mga pambabatikos na natatanggap niya.
Mayroon ding humanga kay Karylle dahil pareho umano sila ng napiling presidential bet sa 2016 elections.
