Nanindigan si Andi Eigenmann na wala siyang dapat ipaliwanag sa publiko sa kabila ng kontrobersiya tungkol sa biological father ng anak niyang si Ellie.
Sa kanyang Instagram post nitong Huwebes, Oktubre 6, nagpahiwatig si Andi na marami siyang pambabatikos na natanggap sa social media.
Tila may kaugnayan ito sa kanyang pananahimik tungkol sa katauhan ng ama ng four-year-old daughter niya.
Sabi ni Andi, “I do not require validation from anyone, specially those who do not know my story—which is why I have nothing to explain.
“I don't mind those who misunderstand me for they are proof that I have actually stood for something in life.”
Nananatili raw siyang matatag sa kabila ng mga matitinding pagsubok na pinagdaanan niya sa buhay.
“I, just like any other human, will determine my own story, not anybody else.
“What this last obstacle has taught me is that you can't touch women who can wear pain like diamonds around her neck.”
Sa ngayon, mas nakatuon daw ang pansin ni Andi sa mga biyayang patuloy niyang natatanggap.
“I have endured, I have been broken, I have known hardship, and I have lost myself.
“But here I stand, still moving forward, growing even stronger each day, guided by the constant blessings in my life.
“I guess this means I've been doing something right.”
BABY DADDY ISSUE. Sa kanyang opisyal na pahayag noong Setyembre 30, inamin ni Andi na lumaki ang kanyang anak na si Ellie na kilala kung sino ang ama nito.
Sinabi rin ng aktres na ang mahalaga ay maayos ang relasyon ng kanyang mag-ama.
Hindi tuwirang pinangalanan ni Andi kung sino ang biological father ng kanyang anak.
Ngunit nauna nang kinumpirma ng half-sister niyang si Max Eigenmann na si Jake Ejercito raw ang ama ng bata.
Read: Jake Ejercito is the father of Andi Eigenmann's daughter, claims Andi's sister
Sa parte ni Jake, pinili niyang magbigay ng madamdaming mensahe para kay Ellie kaysa direktang sagutin ang kontrobersiyang kinasangkutan niya.
Read: Jake Ejercito posts emotional message for future Ellie