Ngayong araw, January 11, nagbahagi si Sef Cadayona ng makahulugang Twitter post na nagsasabing huwag maniwala sa “false rumors.”
False rumors is something not to ponder upon. If you cant do it for me, at least respect those other people involved. God Bless ????
— sef cadayona (@sefcadayona) January 11, 2017
Hindi malinaw kung ano ang pinatutungkulan ng Kapuso actor sa kanyang tweet.
Ngunit matatandaang naging usap-usapan noong nakaraang linggo ang diumano’y ugnayan sa pagitan ni Sef at ni Maine Mendoza.
Maging ang kapatid ni Maine na si Coleen Mendoza ay umani ng pambabatikos matapos bigyang-kulay ng ibang netizens ang Twitter post nito noong January 3:
"What isn't for us will always leave us. What is for us will be there to stay." ????
— Coleen Mendoza (@nicoleendyann) January 4, 2017
Inakusahan din si Coleen na boto umano ito kay Sef para kay Maine—ang kalahati ng sikat na tambalang MaiDen nina Maine at Alden Richards.
January 4 naman nang magbahagi si Maine ng Twitter post na nagsasabing "Get your facts straight, always."
Read: Maine Mendoza posts cryptic tweet amid rumors linking her to Vico Sotto, Sef Cadayona
Sa hiwalay na ulat ng PEP.ph (Philippine Entertainment Portal) noong January 6, nakasaad na tila patuloy pa rin ang relasyon ni Sef at ng Kapuso actress na si Andrea Torres.
Read: Sef Cadayona clarifies rumored breakup with Andrea Torres: "Basta okay kami."