Walang pagsisisi sa isip at puso ni Miss Universe Thailand 2021 na si Anchilee Scott-Kemmis na hindi siya pinalad makapasok sa Top 16 ng Miss Universe 2021.
Isa si Anchilee sa itinuturing na top contenders sa Miss Universe 2021, pero bigo siyang makausad sa competition.
Ilang oras matapos ang grand coronation night ng Miss Universe 2021 na ginanap sa Eliat, Israel nitong December 12 (December 13 sa Pilipinas) nagbahagi ng mensahe sa kanyang mga tagahanga si Anchilee.
Ayon sa Thai beauty queen, hindi lahat ng gusto ng isang tao, o ng isang kandidata, ay makukuha nito ayon sa kanyang kagustuhan.
Okay lang naman daw ma-upset o umiyak lalo na't ibinuhos mo ang lahat ng iyong makakaya.
Mensahe niya: “Sometimes things don’t work out the way you want it to. It’s okay to be upset, it’s okay to cry especially after you’ve given it everything you’ve got.
"I’m grateful, simple as that.”
Sa kabila ng kanyang pagkabigo, malaki pa rin ang pasasalamat ni Anchilee sa pagkakataong ipaglaban ang kanyang bansa sa prestihiyosong beauty pageant.
Patuloy rin daw niyang isusulong ang kanyang adbokasiya para sa mga kagaya niyang "real-size beauty."
Saad ni Anchilee: “It was an honour to represent Thailand and to show the world our #RealSizeBeauty.
“We made that impact together and I will forever hold that close to my heart. Thank you to everyone has supported me, you’ve given me strength.
“I love you all, here is to a new chapter, here is to continuing to celebrate your individuality, uniqueness and you. #RealSizeBeauty forever.”
View this post on Instagram
PIA WURTZBACH SHOWS SUPPORT FOR MISS THAILAND
Isa sa mga nalungkot sa hindi pagkakapasok ni Miss Thailand sa Top 16 ng Miss Universe 2021 ay si Miss Universe 2015 Pia Wurtzbach.
Tweet ni Pia pagkatapos ng announcement ng Top 16: “Im bummed that Miss Thailand didnt make it. She was one of my favorites and I love what she stands up for.
"I am sure she will be star after this. I will continue to follow her journey cos Im sure this isnt the last we will see of her! #70thMissUniverse #MissUniverse2021”
Masuwerte namang nakapasok ang pambato ng Pilipinas na si Beatrice Luigi Gomez hanggang Top 5.
Narito ang kabuuan ng listahan ng Top 16:
1. Miss France Clémence Botino
2. Miss Colombia Valeria Ayos
3. Miss Singapore Nandita Banna
4. Miss Panama Brenda Smith
5. Miss Puerto Rico Michelle Colón
6. The Bahamas Chantel O'Brian
7. Miss Japan Juri Watanabe
8. Miss Great Britain Emma Collingridge
9. Miss USA Elle Smith
10. Miss India Harnaaz Sandhu
11. Miss Vietnam Nguyen Huynh Kim Duyên
12. Miss Aruba Thessaly Zimmerman
13. Miss Paraguay Nadia Ferreira
14. Miss Philippines Beatrice Luigi Gomez
15. Miss Venezuela Luiseth Materán
16. Miss South Africa Lalela Mswane
Ang kandidata mula sa India na si Harnaaz Kaur Sandhu ang kinoronahang Miss Universe 2021.
First runner-up si Nadia Ferreira ng Paraguay at second runner-up si Lalela Mswane ng South Africa.