May paglilinaw ang Department of Foreign Affairs (DFA) kaugnay ng alitan na nangyari sa pagitan ng mga trans women—Filipino versus Thai—sa Thailand kamakailan.
Sa naunang ulat, sinabing 20 Pinoy umano ang nangutya sa apat na Thai trans women.
Pagkatapos, sumugod ang may 100 Thais, karamihan ay trans women, sa hotel na tinutuluyan ng mga Pinay trans at pinalalayas ang mga ito.
Nauwi ito sa pagkuyog ng Thais sa mga Pinay trans.
Kahit mga pulis ay walang nagawa sa dami ng mga kumuyog sa mga Pinay trans.
Nagsimula ang lahat sa harap ng isang restaurant sa isang street sa Bangkok, Thailand, noong March 4, 2024.
Kumalat sa social media ang mga videos kaugnay ng mga insidente—mula sa pangungutya ng Pinay trans sa Thai trans hanggang sa pagkuyog ng maraming Thais sa Pinay trans.
Read: What exactly happened during Pinoy vs Thai trans women clash in Thailand?
DFA MAKES CLARIFICATIONS
Nagbigay ng pahayag ang DFA tungkol sa nangyari.
Base sa imbestigasyon nila, tatlong Pinay trans lamang laban sa dalawang Thai trans ang unang nasangkot sa pangungutya sa harap ng isang resto sa Bangkok.
Taliwas ito sa bilang na iniulat ng Thai at iba pang foreign news wires na 20 ang Pilipinong nakipag-away sa apat o limang Thai trans.
Sabi pa ng DFA, ang pang-apat na nasangkot sa gulo ay nadawit lamang at hindi raw kasama sa gulo.
Siya ay si Ivy Garcia.
Sinabi ng ahensiya na bystander lamang si Ivy nung nakipagsagutan ang tatlong Pinay trans sa dalawang Thai trans noong simula.
Inilahad ni Ivy ang kanyang sinapit sa pamamagitan ng isang Facebook post nitong March 6, 2024.
Nasa hotel daw siya noon at nagpa-deliver ng pagkain. Nang kukunin na niya ito sa labas ng hotel, kinuyog na siya ng napakaraming Thais na nakaabang.
Nangingitim ang likod ni Ivy sa dami ng kalmot at nagtamo pa ng black eye.
Read: 70-year-old man named Donald holds world record for eating 34,000 Big Mac sandwiches
Ivy Garcia, a Pinay trans in Thailand, says she was not really involved in the clash.
Read: Swimming champ disqualified for crossing teammate’s lane to congratulate him
Sinabi pa ni Ivy na kahit ang mga pulis na rumesponde, hindi nagawang awatin ang dami ng Thais na sumugod sa kanya.
Sinabi rin ni Ivy na hindi raw niya alam ang away sa pagitan ng dalawang grupo.
Ayon kay DFA Undersecretary Eduardo de Vega, tatlong Pilipino lamang ang iniimbestigahan, pero dalawa lamang ang nahaharap sa mga kasong assault at battery.
Nilinaw rin niya na walang kinalaman si Ivy sa gulo at nadawit lamang.
Sa kasalukuyan, si Ivy ay nagpapagaling na.
Sinabi rin niya sa post na walang katotohanan ang pag-aaway umano ng Pinay trans at Thai trans dahil sa foreign clients.
Hindi naman niya idinetalye kung ano ang rason.
Sabi ni De Vega kaugnay ng mga kababayang trans, “We’re trying to make it low-key para either ma-dismiss o mabigyan na lang ng light sentence o ma-deport.”
Inaasahang magkakaroon ng hearing nitong March 8, Biyernes, kaugnay ng dalawang Pinay trans na kinasuhan.
Sinabi rin ni De Vega na isa sa apat na Pinay trans ang magsasampa rin ng reklamo dahil sa pananakit sa kanya.
Ang ibang Pinay trans ay nakalipat na ng hotel, at ilan sa kanila ay nakauwi na sa bansa.
Sinabi rin ng DFA na hindi sex workers ang mga Pinay trans na sangkot sa isyu kundi mga turista sa Thailand.