(Trigger warning: mention of suicide, death)
Nagiging mainit na usapin ngayon sa social media ang isang artikulo na nalathala sa isang American online publication.
Tungkol ito sa isang 28-year-old Dutch woman na naka-schedule sumailalim sa euthanasia sa darating na Mayo 2024 o sa susunod na buwan.
Ang euthanasia ay voluntary death o assisted suicide.
Naging legal ito sa Netherlands noong 2001 at sa Belgium noong 2002.
REQUIREMENTS FOR EUTHANASIA APPLICATION
May guidelines na nakasaad sa website ng Government of the Netherlands.
WHO CAN MAKE THE REQUEST?
Usually mga pasyente raw ito na nakakaranas ng "unbearable suffering with no prospect of improvement," at tanging euthanasia na lang ang "only escape from the situation."
Ang request ay "voluntary," at hindi inimpluwensiyan ng ibang tao.
And condition ng pasyente ay nasuri ng kanyang doktor at nakumpirma ng isa pang independent doctor.
Ang pasyente ay at least 18 years old para hindi na kailangan ang consent ng parents.
ZORAYA'S APPLICATION FOR EUTHANASIA
Si Zoraya ter Beek ay nag-apply for euthanasia sa Netherlands at naaprubahan ang kanyang request.
Bungad ni Zoraya sa isang video: "Hello. My name is Zoraya, and I’m 28 years old. I live in the Netherlands and recently my euthanasia request for my mental suffering got approved.”
Bagama’t physically healthy, si Zoraya ay nag-i-struggle sa kanyang kondisyong autism, depression, at borderline personality disorder, ulat ni Rupa Subramanya ng The Free Press noong April 1, 2024.
Sinubukan naman ni Zoraya na magpa-therapy sa psychiatrist para bumuti ang kanyang kondisyon.
Pero tila pati ang psychiatrist ay nag-give up sa kanya.
Sinabihan umano siya ng kanyang psychiatrist: “There’s nothing more we can do for you. It’s never gonna get any better.”
Ito ang nagbunsod sa kanya para mag-resort sa euthanasia.
Iyon kasi ang kondisyon ni Zoraya sa sarili: “I was always very clear that if it doesn’t get better, I can’t do this anymore.”
Dahil walang nagawa ang psychiatrist sa kanyang kondisyon, nawalan ng ganang mabuhay si Zoraya, kahit pa in love siya sa kanyang boyfriend na isang 40-year-old IT programmer.
Nakatira ang magkasintahan sa isang magandang bahay sa isang Dutch town, at may dalawa silang alagang pusa.
Read: Bride walked down the aisle by man who was recipient of her late dad’s heart
zoraya's SCHEDULED EUTHANASIA
Sinabi ni Zoraya na gagawin ang euthanasia sa kanyang bahay, habang nakahiga sa kanyang couch sa living room.
Idinetalye niya ang mangyayari.
Sinabi rin niya na pagdating ng doktor, hindi siya agad pahihigain at tuturukan ng gamot.
Kalimitan daw ay pinapakalma muna ang pasyente with a hot drink like coffee sa isang calm environment.
Pagkatapos ay tatanungin siya ng doktor kung handa na siya. Saka siya hihiga sa couch.
Kasunod nito ay tatanungin uli siya ng doktor kung sigurdo na ba siya at saka sisimulan ang procedure.
Tuturukan muna siya ng sedative o pampatulog, at isusunod ang isang drug na magpapahinto sa puso ni Zoraya.
Kapag wala nang buhay si Zoraya, idadaan ang doktor sa euthanasia review committee para matiyak na isinagawa nito ang “due care criteria.”
Ang criteria na ito ay binubuo ng mga regulations para sa tamang pag-a-administer ng euthanasia sa isang pasyente.
Samantala, nag-request pa si Zoraya sa kanyang kasintahan na huwag umalis sa kanyang tabi hanggang sa huli. Pinag-usapan na rin ng dalawa kung ano ang mangyayari after ng euthanasia.
Walang mangyayaring burol dahil ang gusto ni Zoraya ay ma-cremate siya at ikalat ang kanyang abo sa isang “nice spot in the woods” na napili nilang magkasintahan. Wala rin daw kasi siyang pamilya.
Sa kabila nito, aminado si Zoraya na may nararamdaman pa rin siyang takot.
Sabi niya, “I’m a little afraid of dying, because it’s the ultimate unknown.
“We don’t really know what’s next—or is there nothing? That’s the scary part.”
Read: Guinness oldest living man dies two months before 115th birthday
INCREASING CASES OF PEOPLE RESORTING TO EUTHANASIA
Kamakailan ay pinick up ng PEP.ph ang ulat tungkol sa Dutch lesbian couple na nagdesisyong sabay na ma-euthanize.
Fifty years silang nagsama.
Read: The last words of a lesbian couple who died by euthanasia
Noon lamang February 2024, nagkaroon ng "duo euthanasia" si former Dutch prime minister Dries van Agt at asawang si Eugenie van Agt-Krekelberg dahil sa kanilang deteriorating health issues. Pareho silang 93.
Ang euthanasia ang napili nilang paraan at nagdesisyon silang sumailalim rito nang sabay.
Sa report The Free Press, binanggit dito na isa si Zoraya sa dumadaming bilang ng mga Westerners na pinipiling tapusin ang kanilang buhay “rather than live in pain.”
Kahit na sa maraming pagkakataon ay maaaring i-treat ang pain na ito.
Kalimitan kasi kapag sinabing euthanasia, associated ito sa terminal illness na wala nang pag-asang gumaling.
Pero may mga kaso ngayon ng mga tao na nais ma-euthanize dahil sa depression o anxiety na lumulubha dahil sa economic uncertainty, climate, social media, at mga nakakaranas ng maraming fears and disappointments.
Observation ni Stef Groenewoud, isang healthcare ethicist sa Theological University Kampen, “I’m seeing euthanasia as some sort of acceptable option brought to the table by physicians, by psychiatrists, when previously it was the ultimate last resort.”
Nakikita raw niya ito sa mga taong “with psychiatric diseases, and especially young people with psychiatric disorders, where the healthcare professional seems to give up on them more easily than before.”
Ibinahagi naman ni Theo Boer, isang healthcare ethics professor sa Protestant Theological University, kung ano ang kanyang na-observe bilang euthanasia review board member sa Netherlands for nine years.
“In those years, I saw the Dutch euthanasia practice evolve from death being a last resort to death being a default option.”
Nag-resign na si Boer sa board.
Sinabi rin ni Boer na sa kanyang opinyon, tila ang mga katulad ni Zoraya ay na-encourage “to kill themselves by laws that destigmatize suicide, a social media culture that glamorizes it, and radical right-to-die activists, who insist we should be free to kill ourselves whenever our lives are ‘complete.’”
Binanggit din na tila nagkakaroon ng “suicide contagion,” kung pagbabasehan din ang mga numero sa Netherlands.
Ayon sa datos, 8,720 katao sa Netherlands ang sumailalim sa euthanasia noong 2022, na 14 percent higher noong 2021.
Ang figure na ito ay 5.1 percent ng deaths sa Netherlands.
Ang euthanasia ay isang sensitibong topic. Hindi rin kataka-taka kung bakit sa dalawang bansa lamang sa Europe ito legal.
Nakakapangamba rin lalo pa at growing concern ang mental health issues worldwide. Mahirap ring maging judgmental sa pinagdadaanan ng mga tao.
Kung kaya't cliche man pakinggan at simple man ang reminder ito, laging tandaan, "always be kind."
Para sa mga nangangailangan ng kausap at tulong dahil sa kanilang mental health issues, tumawag lamang sa National Center for Mental Health Crisis Hotline: 1553, Landline (02) 7-989-8727 at cellphone number 0966-351-4518.