Kung isang araw ay nakita mong may malaking halaga ng pera ang pumasok sa bank account mo, gagastusin mo ba?
Ganito ang nangyari sa kaso ng South African student na si Sibongile Mani noong 2017.
Nag-aaral si Sibongile noon sa Walter Sisulu University (WSU), kung saan kasama siya sa nabibigyan ng monthly food allowance na 1,400 rands o $76 (katumbas ng PHP4,400).
Isa siya sa beneficiaries ng National Student Financial Aid Scheme (NSFAS).
Ang allowance ng student beneficiaries ay ipinapadala sa pamamagitan ng Intellimali, isang kumpanyang ang specialization, ayon sa website nito, ay payment and administration of funds.
Nang minsang padalhan ng allowance si Sibongile, nagkamaling naipasok ang halagang 14 million rands o $760,000 (katumbas ng PHP44 million) sa kanyang account.
Nagkaroon ng error ang Intellimali.
Pagkakita ng estudyante sa pera sa kanyang bank account, wala siyang sinayang na sandali.
Nilustay niya ang 800,000 rands o $44,000 (katumbas ng PHP2.5 million) sa loob lamang ng dalawang buwan.
Kabilang sa mga binili niya ay handbags, jackets, kumot, bath sheets, alcoholic drinks, at cigarettes.
Pero nabisto ang ginawa ni Sibongile.
Read: Man behind 2015 viral dress pleads guilty to strangling wife
Recent photo of Sibongile Mani
Read: Two men exchange punches over plane seat while midair
STUDENT CONVICTED OF THEFT
Noong March 2022, makalipas ang limang taon, sinentensiyahan si Sibongile ng East London Regional Court sa South Africa ng five-year imprisonment sa kasong theft.
Inapela niya ang kaso, at dito ay ginawaran siya ng “wholly suspended five-year sentence.”
Pero binigyan ng mga kondisyon si Sibongile.
Hindi siya dapat magkaroon pa ng kasong theft at fraud.
Hindi rin siya maaaring lumabas ng kanyang hometown sa Komani nang walang approval ng correctional services.
Kailangan din niyang sumailalim sa three-year correctional supervision at saka 576 hours community service without compensation.
Kailangan ding mag-attend siya ng counselling.
WHY THE ERROR OCCURRED
Hindi na nag-initiate ng criminal proceedings laban kay Sibongile ang National Student Financial Aid Scheme (NSFAS) dahil “there was no justification for such actions.”
Rason ni Kagisho Mamabolo, dating NSFAS spokesperson, “It was those who were concerned about their R800K who subsequently took her to court. They have their own reasons for doing so.”
Nilinaw rin ng NSFAS na hindi ito nagkaroon ng “financial loss” dala ng pangyayari, pero malaking bahid ang insidente sa reputasyon ng organisasyon.
Paliwanag naman ng Intellimali, ang pagkakamali ay dahil sa system error “caused by a technical glitch or a hacker.”
Noong 2023 ay tumakbo at na-elect si Sibongile bilang treasurer-general ng Walter Sisulu University, ngunit sa huli ay nagpasya ang unibersidad na hindi siya maaaring umupo dahil sa kanyang naging kaso.