Limang indibidwal, kabilang ang dalawang doktor at ang personal assistant ng Friends star na si Matthew Perry, ang ngayo'y sinasabing sangkot sa biglaan at kontrobersiyal na pagkamatay ng aktor.
Noong October 28, 2023, sa edad na 54, binawian ng buhay si Matthew nang matagpuan siyang wala nang buhay sa jacuzzi sa mismong tahanan niya sa Los Angeles, California.
Read: Friends star Matthew Perry dies at 54
Agad na isinalang sa autopsy ang bangkay ni Matthew.
Dito napag-alaman ng Los Angeles Medical Examiner's Office na nagkaroon ng "acute effects of ketamine" ang American-Canadian actor, dahilan upang siya ay mawalan ng malay habang nasa jacuzzi, na naging sanhi ng kanyang pagkalunod.
Ang ketamine, ayon sa US Drug Enforcement Administration, ay isang dissociative sedative na ginagamit bilang anaesthetic, pampakalma, o pampamanhid bago ang operasyon sa ilang medical procedures.
Read: Friends star Matthew Perry died of "acute effects of ketamine"—autopsy report
Sa patuloy na imbestigasyon, natukoy ng awtoridad noong Huwebes August 15, 2024, na limang tao ang nasa likod ng biglaang pagkamatay ni Matthew.
Kabilang na rito ang dalawang doktor na kinilalang sina Dr. Salvador Plasencia at Dr. Mark Chavez.
Damay rin ang personal assistant ni Matthew na si Kenneth Iwamasa, na kamakailan ay umaming siya ang nagtuturok ng ketamine sa aktor bago ito bawian ng buhay.
Read: In remembrance: Sad reason why Matthew Perry broke up with Julia Roberts
Dawit din ang dalawa pang indibwal na sina Jasveen Sangha at Eric Fleming.
Si Sangha ay kilala sa bansag na "The Ketamine Queen," na siyang parte ng isang criminal network sa U.S.
Sinampahan ng kaso at inaresto ang lima dahil napag-alamang sila ang nag-supply ng ketamine kay Matthew, na naging dahilan ng pagka-overdose nito.
Defendants accused of taking advantage of MATTHEW's addiction
Ayon kay Atty. Martin Estrada ng U.S. Attorney’s Office, pinagsamantalahan ng limang sangkot ang addiction issue ni Matthew para kumita.
Bukas sa publiko noon si Matthew na sabihing dati siyang naging alcohol- at drug-dependent.
Naiulat namang sober at huminto na siya sa paggamit sa loob 19 consecutive months bago ang kanyang pagkamatay.
Pahayag ni Estrada sa isinagawang press briefing noong August 15, "These defendants took advantage of Mr. Perry's addiction issues to enrich themselves.
"They knew what they were doing was risking great danger to Mr. Perry, but they did it anyway."
Samantala, habang gumugulong ang kaso ay nag-plead na ng not guilty sina Plasencia at Sangha.
Pagtanggi nila, wala silang kinalaman sa pagbebenta ng ketamine kay Matthew.
MATTHEW PERRY's known tv shows
Nakilala nang husto si Matthew nang gumanap siya bilang si Chandler Bing, isa sa main characters ng sitcom na Friends na napanood sa American TV network na NBC mula September 22, 1994 hanggang May 6, 2004.
Read: 'Friends' stars mourn passing of Matthew Perry: "We were more than just cast mates. We are family."
Bukod pa rito ang mga pelikulang Fools Rush In, The Whole Nine Yards, at 17 Again na pinagbidahan din niya noon.