Mariing pinabulaanan ng kinabibilangang talent agency ng South Korean superstar na si Lee Min Ho ang lumalabas na espekulasyong may relasyon umano ang aktor at ang 2NE1 member na si Park Bom.
Ito'y matapos mag-post ni Park Bom sa Instagram tungkol sa ugnayan daw nila ng Korean actor.
Read: Highlights of 2NE1's Welcome Back Tour in Manila
Ayon sa ulat ng mga South Korean website, may dalawang Instagram account daw si Park Bom.
Bukod pa raw ito sa kanyang first and verified account na may username na @newharoobompark.
Sa ikalawa at ikatlong IG account daw ipinu-post ni Park Bom ang mga kaganapan sa diumano'y relasyon nila ni Lee Min Ho.
Read: Lee Min Ho's camp denies report he dates ex-MOMOLAND member Yeonwoo
PARK BOM'S ALLEGED SECOND AND THIRD ACCOUNT
September 2024 nang magsimulang i-post ni Park Bom sa kanyang second IG account ang larawan ni Lee Min Ho.
Kalakip ng post ang caption na, "My husband."
Dahil sa caption na ito, marami sa fans ng dalawa ang naghinalang baka may lihim ngang relasyon sina Park Bom at Lee Min Ho.
Bagay na agad namang pinasinungalingan ng talent agency ni Park Bom na D-Nation Entertainment.
Ayon sa inilabas nila noong pahayag, nagawa lamang itong i-post ng K-pop idol dahil masugid siyang tagahanga ni Lee Min Ho.
Ngunit imbes na matuldukan ang isyu dahil sa inilabas nilang pahayag, muli umanong gumawa ng isa pang Instagram account si Park Bom.
Katulad sa pangalawa niyang account, dito rin ipinu-post ni Park Bom ang updates sa umano'y relasyon nila ng sikat na Korean actor.
February 12, nag-post si Park Bom ng larawan nila ni Lee Min Ho, kalakip ang caption niyang, "He really is my husband."
Bagamat binura rin niya ito, ipinagdiinan ni Park Bom na totoong may relasyon at asawa niya si Lee Min Ho nang mag-post siya ng larawan niya.
Mababasa sa caption nito, "I posted it because it’s true. Thank you for your interest, and I’ll continue to do my best with 2NE1."
Hanggang ngayong Biyernes, February 21, 2025, muling nag-post si Park Bom sa kanyang pangalawang IG account ng larawan niya.
Kalakip nito ang caption na, "Hello who keeps deleting I'm alone no one in between. Wasn't it self. Lee Min-ho made me go. Lol I'll do my best. Thank you."
LEE MIN HO'S AGENCY REsponDs
Dito na gumawa ng aksyon ang talent agency ni Lee Min Ho na MYM Entertainment.
Sa kanilang inilabas na pahayag, pinabulaanan ng MYM Entertainment ang sinasabi ni Park Bom na may lihim silang relasyon ni Lee Min Ho.
Mababasa sa kanilang statement (ayon sa ulat ng Soompi.com), "He is not personally acquainted with Park Bom, so these [rumors] are baseless."
NETIZENS' REACTION
Bunsod nito, maraming netizens, partikular na ang fans ni Park Bom, ang nag-aalala ngayon para sa singer.
Anila, kung may katotohanan mang si Park Bom ang nasa likod ng pagpu-post niya tungkol kay Lee Min Ho ay maaari raw may problemang kinakaharap ngayon ang 2NE1 member.
Tweet ng isang netizen: "Ok anyway i just read the whole park bom lee min ho things and…….. girl park bom really need to seek some help."
Saad pa ng isa: "Park Bom can be sued for what she is saying about Lee Min Ho. So she need to completely stop now.
"We know Lee Min Ho has an image that he is protecting of. She is becoming like a stalker or being delusional."