Isinuko ng Ukraine-born beauty queen na "Miss Japan" 2024 contest ang kanyang korona dalawang linggo matapos niya itong mapanalunan.
Ang dahilan, napaulat na nagkaroon siya ng affair sa isang married man.
Kinoronahang Miss Nippon (Japan) Grand Prix 2024 si Karolina Shiino sa pageant na ginanap noong January 22, 2024.
Ang pageant ay para sa mga kandidatang magiging goodwill ambassadors sa Japan. Iba pa ito sa national pageant doon na nagpapadala ng candidate sa Miss Universe pageant.
Una nang naging kontrobersiyal ang pagkapanalo ni Karolina dahil wala naman siyang dugong Japanese.
Read: Beauty candidate without Japanese blood wins pageant in Japan; gets mixed reactions
Karolina Shiino (center) wins Miss Nippon (Japan) Grand Prix 2024 last January 2024 even if she has no Japanese blood
Ipinanganak siya ng kanyang Ukrainian parents sa Ukraine. Naghiwalay ang kanyang mga magulang at lumipat siya at ang kanyang ina sa Japan noong five years old lamang si Karolina.
Nakapag-asawa ng Hapon ang kanyang nanay. Dinala ni Karolina ang apelyido ng kanyang stepfather.
Nabigyan si Karolina ng naturalized citizenship sa Japan noong 2022.
Si Karolina ang kauna-unahang Miss Japan winner na nag-relinquish ng korona.
Ipinahayag na ng beauty pageant organization na walang ipapalit kay Karolina at mababakante ang posisyon sa loob ng buong taon.
Read: Story of Heidi Yeh: the "mom" in viral family picture; a victim of fake meme
Iniulat sa Japanese weekly tabloid na Shukan Bunshun na idini-date ni Karolina ang isang doktor na may asawa.
Noong una, nag-react ang Miss Japan organization at ipinagtanggol si Karolina.
Nanindigan daw ang doktor na single na siya ngayon. Hindi rin daw alam ni Karolina na may previoius marriage ang doktor.
Pero sa update ng Miss Japan organization nitong Lunes, February 5, nadiskubre nilang nakipag-date si Karolina kahit alam niyang kasal ang doktor.
Humingi raw ng tawad si Karolina sa pagsisinungaling. Tinanggap daw ng organisasyon ang pagsuko niya ng titulo bilang Miss Japan.