Taong 2012, naging viral online ang isang family picture.
Litaw na litaw ang magandang hitsura ng ama at ina, ama, at ang tatlo nilang anak.
Pero kapansin-pansin na hindi kamukha ng mga magulang ang mga bata, na inilarawan ng mga mapanlait na netizens bilang "ugly."
Kalakip ng family photo ang before-and-after pictures ng isang babaeng sumailalim sa cosmetic surgery.
Sa kumalat na kuwento sa Internet, ang magandang ina sa family picture ay ang babaeng nagparetoke.
Ginawa itong meme at mabilis na kumalat online.
Noong 2015, lumantad ang nanay na nasa family picture. Siya si Heidi Yeh.
Nais niyang ituwid ang kuwento dahil hindi siya ang babaeng nagparetoke.
In short, biktima siya ng fake news na pinaniwalaan ng marami.
At dahil sa nangyari, nasira raw ang career niya bilang modelo gayong hangad lang naman niyang maghanap-buhay.
Inilahad ni Heidi ang kanyang kuwento sa interview ng BBC (British Broadcasting Corporation) noong October 2015.
Read: Beauty candidate without Japanese blood wins pageant in Japan; gets mixed reactions
THE CONTROVERSIAL PICTURE
Ang family picture ay para sa isang advertisement ng isang cosmetic clinic.
Sa kontrata ni Heidi, nakasaad na gagamitin ang photo niya para sa print ads ng clinic. Pirmado ang kontrata ng agency ni Heidi at ng isang ad agency.
Subalit pinayagan ng ad agency na magamit ang family picture ng isa pang plastic surgery clinic, na siyang nag-post ng photo sa website nito.
Ipinost din ng ad agency sa Facebok page nito ang family photo.
Hindi napigilan ang pag-viral ito.
At sabay ng pagsikat ng family picture ang simula ang bangungot ni Heidi.
Ikinabit kasi ito ng isang Chinese tabloid sa isang 2004 story, kung saan idinemanda ng isang Chinese man ang kanyang misis.
Nagulat daw ang lalaki nang isilang ng babae ang kanilang baby girl na “ugly."
Umamin ang babae na sumailalim ito sa isang cosmetic surgery para gumanda siya.
Inilabas din ang before-and-after photo ng babae matapos ang kanyang pagpaparetoke.
- Nabuhay ang kuwento sa social media, at ang family picture kung saan tampok si Heidi ang kumalat. At siya, na sinasabing nagparetoke ang sumikat, pero sa hindi magandang paraan.
Read: These netizens find look-alikes in old paintings; they all believe in reincarnation
HEIDI SPEAKS UP
Ang pamagat ng BBC interview ni Heidi noong 2015 ay “Internet meme ruined my career.”
Sabi noon ni Heidi, dalawang taon na siyang nagmomodelo nang lumabas ang meme.
Pakiramdam daw niya noon ay magtutuluy-tuloy na ang kanyang career dahil nakagawa na siya ng commercials for big companies—tulad ng isang international fast-food chain, kilalang brand ng computers, at Japanese facial products.
Nang gawin daw niya ang family photo shoot, ang alam niya ay lalabas lang ito sa print.
“I didn’t know that it would be used so widely on the Internet and that there would be so many made-up stories about it,” ang kuwento niya in Chinese.
Sa nag-viral na family picture, ang naging caption daw ay, “The only thing that you’ll ever have to worry about is how to explain it to the kids.”
Sinabi rin ni Heidi na edited ang itsura ng tatlong bata sa picture. Pinapangit daw ang mga ito.
Read: VIRAL: Asong nag-food trip ng $4,000 dollar bills
Nalaman ni Heidi ang tungkol sa meme mula sa isang kaibigan. Hindi raw niya ito pinaniwalaan.
“Then I realized the whole world was spreading the story and in different languages,” kuwento ng modelo na nagsimula nang lumuha.
“People actually believed it and thought that’s had happened to me. Even my relatives and fiancé’s family have asked me about it.”
Unti-unting nawalan ng trabaho si Heidi.
“This has totally affected my work. People refused to believe that I have never had plastic surgery. After this, I only got small roles in advertisements.”
Isang malaking dagok ito hindi lang sa trabaho kundi sa buhay ni Heidi.
“Because of what has happened, I haven’t been able to sleep well, and I’ve broken down many times crying. I keep thinking, ‘Why is this happening to me?’”
Pahayag ni Heidi, “I decided to speak out because I wanted to give myself some courage to deal with this problem.”
Nagbanta noon si Heidi na magsasampa ng reklamo laban sa cosmetic clinic at sa ad agency.
Ito ay dahil sinira nila ang kasunduan na sa print lang lalabas ang picture.
Heidi Yeh in a presscon to air her side about the fake meme that destroyed her career.
Nangaturiwan naman ang clinic at ad agency na hawak nila ang copyright ng photo, at hindi nila kontrolado ang social media.
Nagbanta rin na sasampahan nila ng reklamo si Heidi dahil sa tangka raw niyang pa-violate sa contract.
Pero ang malinaw, nasira ang reputasyon ni Heidi dahil sa nangyari.
“I can’t bear to look at the picture. I hope it will not appear anymore," ani Heidi.
Read: Wedding proposal bashed for being "so poor" gets grand ending, thanks to sponsors
WHERE IS HEIDI NOW
Halos isang dekada na ang nakalilipas mula nang mangyari ang interview na iyon ni Heidi tungkol sa masaklap niyang karanasan.
Ano na ang nangyari kay Heidi?
Noong 2019, may mga updates si Heidi sa Facebook tungkol sa mga kaganapan sa kanyang buhay.
Sa isang post, ibinunyag niyang isa na siyang nanay.
At that time, may panaka-nakang modeling projects siya but nothing big.
Naging office worker din siya sa isang convenience store, na kinuha siyang model para sa posters nito.
(Top and bottom photos) Heidi Yeh posted in 2019 two photos about her photo shoot for the convenience store she worked for.
Sa comments section, pinapasalamatan niya ang mga patuloy na sumusuporta at naniniwala sa kanya.
Base sa kanyang FB at IG posts, mas priority na ni Heidi ang kanyang simpleng pamumuhay bilang isang nanay.
Pero sa kabila ng lumipas na mga taon, may ibang tao na hindi pa rin nakakalimutan ang kanyang pangit na karanasan.
Ang pinakahuling post niya sa Instagram ay noong September 2023.
Sa comments section, may ilang netizens na nagbanggit tungkol sa kanyang masaklap na karanasan noon.
(Top photo: Heidi's IG post inn January 2023. Bottom photo: Heidi's last IG post in September 2023.)
Ang kuwento ni Heidi ay patunay na kayang baluktutin ng kasinungalingan ang katotohanan.
Kaya paulit-ulit ang paalala na maging responsable sa pagpo-post at pagsi-share ng mga nababasa online.