Spotted na nagbakasyon sa Osaka, Japan, nitong nakaraang linggo ang rumored couple na sina Maine Mendoza at Arjo Atayde.
Dahil parehong kilalang personalidad, sa airport pa lang ay hindi na nakaiwas sina Maine at Arjo sa mga gustong magpa-picture sa kanila.
Hindi man nag-post sa social media sina Maine at Arjo ng mga larawang magkasama sila sa Osaka, may netizens naman doon ang nakapagpa-selfie sa kanila.
Ayon sa mga ulat, isang mabilisang bakasyon lamang ito kasama ang ilang kaibigan dahil abala si Maine sa pelikulang ginagawa nito kasama si Carlo Aquino, ang Isa Pa With Feelings.
Si Arjo naman ay abala rin sa taping ng Kapamilya primetime series na The General’s Daughter.
Nitong mga nakaraang buwan, namataan ding magkasama sina Maine at Arjo sa Taiwan, Universal Studios Singapore, at Bali, Indonesia.
Unang bahagi nitong taong 2019 ay umamin ang dalawang exclusively dating na sila.
Ngunit hanggang ngayon, hindi pa nila kinumpirma kung official na ang relasyon nila.