Ngayong umamin na si Vice Ganda na isang taon na ang relasyon nila ni Ion Perez, malaya na nilang nagagawa ang mga bagay na may kaugnayan sa isang tunay na magkarelasyon.
Pagkatapos umamin officially na in a relationship na sila sa It's Showtime noong October 26, lumipad patungong Japan sina Vice at Ion, kasama ang ilang kaibigan, at doon nag-celebrate ng Halloween.
November 1, nag-post si Vice ng larawan nila ni Ion na naka-Halloween costume.
Ang inspirasyon nila ay sina Princess Jasmine at Aladdin, na hango sa sikat na Walt Disney film na Aladdin.
Kasunod na ipinost ni Vice ang larawan nila ng boyfriend na magka-holding hands habang naglalakad sa isang kalye sa Japan.
Ngayong Huwebes, November 7, nag-upload naman si Vice sa kanyang Instagram at Facebook accounts ng sweet photo nila ni Ion na kuha sa isang event.
Nakalagay sa caption: “Noon may nagsabing ‘Walang Forever!’
“Pero may natagpuan ako kaya sabi naman nila ‘Sana oil!’
“At ngayong damang dama nila ang saya ko ang masasabi mo na lng ‘Apakayabang mo!’ Hehehehe!!!”
Marami namang celebrity friends ang natuwa sa development ng love life ng Unkabogable Star.
