Kamakailan ay nag-post si Ruru Madrid sa kanyang Instagram account ng pagbati sa kanyang rumored girlfriend na si Bianca Umali.
Marami tuloy ang nagsapantaha na umamin na ang aktor tungkol sa tunay na estado nila ng Kapuso actress.
Sa interview naman ni Aubrey Carampel ng 24 Oras kay Bianca, inalam mula sa aktres kung ano nga ang real score sa kanila ni Ruru.
Sagot ni Bianca: "Happy ako. Yun lang po ang masasabi ko.
"Basta happy ako, happy siya, happy kami."
Mahigit isa't kalahating taon ding naging mailap sina Bianca at Ruru sa pagsagot tungkol sa tunay na estado ng hinihinalang relasyon nilang dalawa.
Bukod sa manaka-nakang pahaging o hints sa social media posts ng dalawa, may mga sightings, video clips, at photos ang dalawa na laging magkasama.
Nung tinanong noon si Ruru tungkol sa kanila ni Bianca, panay ang iwas ng Kapuso actor sa tanong.
Lumikha naman ng ingay ang diumano'y eksenang nangyari sa parking lot ng isang mall sa pagitan nina Ruru at Bianca: muntik na raw masagasaan ni Bianca si Ruru dahil sa selos.
Ang Cabinet Files ng PEP.ph (Philippine Entertainment Portal) ang unang naglabas ng report tungkol dito, na pinabulaanan naman kalaunan ni Ruru sa panayam sa kanya ng 24 Oras.
