Umasa si Maricar Reyes na mabibigyan ng Kongreso ng panibagong prangkisa ang ABS-CBN.
Ngunit kabaligtaran sa inaasahan niya ang nangyari.
Noong Biyernes, July 10, tuluyan nang ibinasura ng House Committee on Legislative Franchises ang aplikasyon ng panibagong prangkisa ng ABS-CBN, sa botong 70-11.
Pitumpu ang bumoto ng “Yes” pabor sa pagbasura, at 11 ang bumoto ng “No” pabor sa pagbigay ng prangkisa.
Ayon kay Maricar, malaking bahagi ng kanyang buhay ang istasyon, lalo na noong panahong may matindi siyang pinagdaanan.
Mensahe ng 39-year-old actress sa kanyang Instagram post kahapon, July 12, “ABSCBN. Di ko makakalimutan ang tulong nila sa akin... especially at the lowest point of my public life... nandun sila LAHAT para tumulong.
“I really thought congress would still grant them a franchise, then give the proper consequences for any proven violations...”
Dagdag niya, “But the decision was not up to me, but to the elected officials. I will respect that.”
“PLEASE DON’T LOSE HOPE”
Nakikisimpatiya si Maricar sa mga talents at empleyado ng ABS-CBN.
Maaaring mauwi sa large-scale retrenchment ang pagkabasura ng franchise application ng broadcast giant.
Pero huwag daw mawalan ng pag-asa ang mga ito.
Sabi ng misis ng singer na si Richard Poon, “I pray for those who are worried about their future. Please dont lose hope... there is always a way out of the darkest situations.
“God is just & righteous. And He knows better than we ever will. Lets trust Him on this.”
Darating din daw ang araw na may kasagutan para sa lahat ng ito.
Saad niya, “In the future we will all understand WHY this happened.
"Till, then... mahigpit na YAKAP “SA LAHAT NG NAGHIHIRAP ngayong panahon ng pandemya ---- KAPAMILYA MAN O HINDI”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika