Hindi napigilan ni Diego Loyzaga ang mapa-wow nang makita ang sexy bikini photo ni Barbie Imperial.
Ito ay matapos ipakita ni Barbie ang magandang hubog ng pangangatawan sa suot niyang blue tie-dye bikini.
Kuha ang litrato ni Barbie sa isang beach resort sa Iloilo.
Caption ni Barbie, "Much needed break."
Sa comments section, nag-iwan si Diego ng mensaheng "waw."
Pero kakatwang sumingit ang pinsan ni Barbie na si Marco Gumabao.
Nag-comment si Marco ng thinking emoji, na wari'y napaisip kung ano ang intensiyon ni Diego kay Barbie.
Sa madaling salita, kunwa'y protective cousin ang dating ni Marco kay Barbie.
Pabirong natensiyon naman si Diego na nag-comment ulit ng grinning emoji with sweat.
Si Barbie ay 22 years old, habang ang edad ni Diego ay 25 at si Marco ay 26.
NETIZENS TEASE DIEGO & MARCO
Natawa naman ang netizens sa pagiging protective cousin ni Marco kay Barbie. Magkapatid ang mga lolo nina Marco at Barbie.
Sina Marco at Diego naman ay malapit na magkaibigan at dating magkatrabaho sa defunct ABS-CBN series na Los Bastardos.
Hirit ng isang netizen, "@gumabaomarco hahahahaha lagowwt na @diegoloyzaga ayan na ang pinsan."
Sabi pa ng isang netizen, "@gumabaomarco overprotective nmn.... tama lang un."
BARBIE AND DIEGO
Parehong walang napababalitang karelasyon sina Barbie at Diego sa ngayon.
Ang huling naugnay kay Barbie ay si JM de Guzman, na katambal niya sa defunct ABS-CBN drama series na Araw Gabi.
Humantong sina Barbie at JM sa dating status, pero hindi rin nag-work out ang pagkakamabutihan nila noong last quarter of 2018.
Naging karelasyon naman ni Diego si Sofia Andres noong nagkatambal sila sa defunct Kapamilya series na Pusong Ligaw.
January 2018 ay sinabi pa ni Diego na sila pa rin ni Sofia.
Pero pagsapit ng May 2018, ibinunyag ni Diego na may iba nang karelasyon si Sofia at kanya-kanya na raw sila ng buhay.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika