Hindi ikinatuwa ng maraming netizens ang ginawang proposal prank ni Jake Cuenca sa kanyang girlfriend na si Miss International 2016 Kylie Verzosa.
Anila, hindi magandang biro ang ginawa ng aktor sa kanyang nobya.
Kamakailan ay ipinost ni Jake sa kanyang Instagram account ang maiksing video na kuha mula sa Palawan beach trip nila ni Kylie.
Makikitang naghanda si Jake ng candle-lit dinner para sa girlfriend.
Sa kadiliman, makikita ang naka-setup na table and chairs na napapalibutan ng mga ilaw sa damuhan na hugis puso.
Lumapit si Kylie at tumayo si Jake sa kanyang pagkakaupo.
Bungad ni Jake kay Kylie: “So, I prepared this because I just wanted to ask you one thing.”
Kita sa mukha ni Kylie na nagulat ito at natigilan. Hinihintay ang susunod na sasabihin ng nobyo.
Jake: “So, here it goes… kumain... kumain ka na ba?”
Pabirong tila iiyak si Kylie at saka tumawa.
Sabi ni Jake: “You love it, Boo?”
Sagot ni Kylie, “Super! Except you. Wow.”
Jake: “I love you.”
THE COMMENTS
Hindi napigilan ang netizens na mapa-react sa video na ipinost ni Jake.
Kasama sa mga nagkomento sina Angel Locsin, Bianca Manalo, at Mica Reyes. Maging sila, inakalang totoong proposal na ang mangyayari.
Ani Bianca: "Shucks!!!!!!!! Kala ko!!!!!!!"
May inis ang komento ni Angel: "Bwiset! [Laughing with tears emoji] naka-antabay ako eh [laughing with years emoji]"
Sabi naman ni Mica: "HAHAHAHAHAHAHAA BUISIT HAHAHA KYLIEEEE [laughing with tears emojis] UR FACE DID LIKE 100 emotions”
Makahulugan naman ang reaksiyon ni Kylie sa nangyari. Tila halo-halo ang naramdaman ng beauty queen sa ginawang biro ng nobyo.
Gumamit siya ng teary-eyed faces, crying faces, laughing cats with tears emojis sa comments section.
Sa kanyang Instagram Story, ipinost ni Kylie ngayong gabi ang screenshot ng kanyang reaksiyon nang i-prank siya ni Jake.
Caption ni Kylie: “I hate you? lol” at itinag si Jake.
JAKE EXPLAINS
Marami ring netizens ang nagpahayag ng pagkadismaya sa joke ni Jake.
Sabi ng isa: “For most ladies, that was a bad joke. Dont do that again please!”
Dumepensa si Jake.
Aniya, “yes but we are not like most. We get each other and we get the timing of things.
“When the time is right and the timing is [right] I will not hesitate to ask. [smile emoji]”
Sa kabila ng sagot ni Jake, sunud-sunod pa rin ang pagpuna sa kanya ng netizens.
Karamihan sa kanila, tinawag na “bad joke” ang ginawa ng aktor.
Kung pagbabasehan din ang profile pics ng mga nadismaya, marami sa kanila ay mga kababaihan.
Sabi ng isa, maaaring nakangiti si Kylie pero sa loob-loob nito ay nag-expect ito.
Hindi na lang daw sana ipinost ni Jake ang video. Halata raw sa reaksiyon ni Kylie na umasa ito.
Reaksiyon naman ng isa, hindi raw dapat pinaglalaruan ang damdamin ng iba, lalo na ng taong mahal mo.
May ilan namang nagsabing baka kapag nag-propose siya kay Kylie ay tumanggi na ang beauty queen.
Narito ang ilan sa mga reaksiyon ng netizens:
Dalawang taon nang magkarelasyon sina Kylie at Jake.
Nagkatrabaho sila sa ABS-CBN afternoon series na Los Bastardos noong 2018.