Utang ni Arjo Atayde, 30, ang magandang pagbabago niya dahil sa girlfriend na si Maine Mendoza, 25.
Akala nga raw ni Arjo ay taon ang bibilangan bago siya mag-mature.
Pero dahil kay Maine, mas nagkaroon daw ng direksiyon ang kanyang buhay.
Isiniwalat ito ni Arjo sa YouTube video ni Enchong Dee na ipinost nitong Biyernes, February 26.
Inusisa ni Enchong si Arjo kung ano ang mga pagbabago sa kanyang sarili nang mabihag ni Maine ang puso niya.
“Number one, maturity. Goals. I’m more goal-oriented,” sagot ng ABS-CBN actor.
Tinukso ni Enchong si Arjo at sinabing nagulat daw sila sa biglaang pagma-mature ni Arjo.
Hirit ng natatawang si Arjo, “I’m sorry, but it’s happening!"
Pang-aalaska ni Enchong, “You never thought you’ll reach that point."
Sabi naman ni Arjo, “I thought it’s gonna take ten years, oh my God... I’m kidding.”
Biglang nagseryoso si Arjo at ipinaliwanag kung paano siya natulungan ni Maine.
“It happened all of a sudden. When you just really know what you want in life, you know who you want to be with… with that person you love the most, you just know, e.”
on relationship with maine
Giit ni Arjo, life-changing ang pagkakaroon nila ng relasyon ni Maine.
“It’s not something slow-mo, but it’s something so real that it straightens you up all the way.
“So, yeah, I think when you’re in love, I guess you should be inspired, number one.
“And be a better person from there. Not try to be. Just be who you are, just be good.”
Si Arjo ay isang multi-awarded actor at exclusive artist ng ABS-CBN.
Si Maine naman ay nasa bakuran ng GMA-7 at mainstay ng longest-running noontime show na Eat Bulaga.
Noong December 2020 ay ipinagdiwang nina Arjo at Maine ang kanilang second anniversary bilang magkasintahan.