Tila kumportable nang makitang magkasama sa publiko ang long-time rumored couple na sina Coco Martin, 39, at Julia Montes, 26.
Ngayong hapon ng Huwebes, March 25, nag-post muli ang fan page ng aktres sa Instagram ng larawan ng dalawa na tila palabas ng hotel na tinutuluyan nila sa Boracay.
Sabi sa caption, “GOING PUBLIC UHUH UHUH [2 face with a party hat, 4 women facepalming emojis] #juliamontes #cocomartin #cocojul”
View this post on Instagram
Mapapansing pareho pa rin ang suot na pang-itaas ng Ang Probinsyano actor nang namataan sila ng netizens sa airport patungong island paradise noong March 21.
Nagpalit lamang siya ng light brown pants mula sa suot niyang black pants sa airport. Pati ang itim na sumbrero ay pinalitan niya ng brown cap.
Pero ang kanyang tsinelas at backpack na gamit ay pareho pa rin.
Si Julia naman ay nagbihis na ng dark blue blouse at light brown na pantalon.
Pero kulay itim pa rin ang suot nilang facemasks. Nagpalit din ang aktres ng black hat mula sa brown na sumbrerong suot niya sa airport.
Parang nagpalit lamang sila ni Coco ng sumbrero.
Pero ang sandals na suot ni Julia ay pareho pa rin sa suot niya sa airport.
Ang bag na hawak-hawak ni Coco sa airport ay siya pa ring dala-dala niya sa Boracay.
Ayon pa sa caption ng in-upload na larawan sa Instagram fan page ni Julia: "ANG ALAMAT NG BAG AT BUCKET HATS"
View this post on Instagram
Sa mga bagong larawan, mababanaag na ang mukha ng dalawa, hindi katulad sa mga kuha sa airport na balot na balot ang mga mukha nila ng face shields.
Marami namang tagahanga ng dalawa ang nagkomento sa mga bagong larawang ito.
Matagal nang napabalitang magkarelasyon sina Coco at Julia, pero hindi pa rin sila umaamin hanggang ngayon.
Napabalita noong April 2019 na nagsilang na umano si Julia ng anak nila ni Coco, pero wala pa ring pag-amin o pagtanggi mula sa kampo ng dalawa.
Higit pitong taon nang usap-usapan ang kanilang relasyon.