"It’s still not completely over, but at least for today we can breathe a sigh of relief."
Ito ang bahagi ng pahayag na ipinadala ni Gigo de Guzman sa PEP.ph (Philippine Entertainment Portal) kagabi, April 27, ilang oras matapos ibasura ng Makati Prosecutor’s Office ang reklamong rape with homicide na isinampa laban sa kanila ng Philippine National Police (PNP).
Isa si Gigo sa labing-isang respondents sa pagkamatay ni Christine Dacera, ang flight attendant na kaibigan at kasama nila sa idinaos na New Year’s Eve party noong gabi ng December 31, 2020 hanggang umaga ng January 1, 2021.
Natagpuang wala nang buhay si Dacera sa banyo ng kuwartong nirentahan nila sa City Garden Grand Hotel.
Bukod kay Gigo, absuwelto rin sa reklamo ng PNP sina Valentine Rosales, Rommel Galido, JP Dela Serna, Louie De Lima, Mark Anthony Rosales, John Paul Halili, Clark Jezreel Rapinan, Rey Englis, Jammyr Cunanan, at Ed Madrid Pangilinan.
Saad ni Gigo sa text message niya sa PEP.ph, kahit nadungisan ang kanilang pangalan, mabuti na rin daw at napawalang sala na sila sa reklamo.
Sabi niya, “Today’s resolution lifted some of the weight these past 6 months.
“But the damage has been done. It’s still not completely over, but at least for today we can breathe a sigh of relief.”
Hindi pa rin lubos ang kaligayang nadarama nila dahil ang reklamo pa lamang ng PNP ang nalusutan nila.
Hindi pa nagdedesisyon ang piskalya sa reklamo ng National Bureau of Investigation (NBI) laban sa kanila na may kaugnayan sa paglabag umano sa Comprehensive Dangerous Drugs Act, perjury, obstruction of justice, at reckless imprudence resulting in homicide.
“ONE STEP FORWARD”
Sa kanyang Instagram Stories, ibinahagi naman ni Gigo ang kalungkutang nararamdaman na hindi personal nasaksihan ng inang si Claire dela Fuente ang kanilang panalo.
Pumanaw ang beteranang singer noong March 30 dahil sa atake sa puso bunsod ng kumplikasyong dulot ng COVID-19.
Si Claire ang numero unong tagapagtanggol ng anak at ng apat na kaibigan nitong respondents din sa reklamo.
Sabi ni Gigo sa kanyang Instagram Stories (published as is), “The past 6 months has been the heaviest in my life, but today I got to breathe.
“Reading those words we’ve been working so hard for brought me so much emotion today.
“For the first time, I went to Makati City hall without my mom…
“And I truly felt her absence. As the guys talked about give their copies to their parents to give them a sense of comfort, I wished I could hand mine to her.”
Mensahe pa niya sa ina, “Ma, we did it. One step forward.”
