Nagbunga ang panawagan ng dasal ni Sharon Cuneta para sa matalik na kaibigang si Fanny Serrano dahil nakauwi na ng bahay at nagpapagaling na ang make-up artist at aktor.
Sa Instagram kagabi, May 2, ibinahagi ng Megastar ang bagong update ukol sa kalagayan ng kaibigang na-stroke noong March 16.
Ayon kay Sharon, malaki ang tulong ng dasal kaya nakaligtas sa panganib si Fanny.
Buong post ni Sharon, “THANK YOU SO MUCH, EVERYONE FOR ALL YOUR PRAYERS!!!
"I am happy to tell you that TF is now home, recuperating and on his way to a happy 100 more years!
“God still performs miracles in the present day. Praise Him!”
View this post on Instagram
Noong kalagitnaan ng Marso, nanawagan ng taimtim na dasal si Sharon sa kanyang followers sa social media para kay Fanny.
Ito ay matapos magkaroon ng massive stroke ang matalik na kaibigan.
Humahagulhol pang pakiusap ni Sharon sa Instagram noon, "It’s a private thing supposedly, but I can’t… there’s no way around it.
“I really would just like to ask for your prayers because Tita Fanny Serrano had a massive stroke today.”
Noong panahong iyon, ibinalita ni Sharon na patuloy ginagamot si Fanny sa isang hindi niya pinangalanang ospital, pero iba pa rin daw ang maidudulot ng sama-samang dasal.
“And he’s being treated, he’s conscious, but please can I just ask you to pray for him.
“I’m sorry, but there’s any… prayers can work wonders talaga so can you just please, please pray for Tita Fanny.... I love him so much.”
Sabi ni Sharon sa caption ng kanyang Instagram TV: “Please pray for Tita Fanny Serrano...”