Hindi nakapagpigil si Geneva Cruz na sumagot muli sa kanyang basher sa social media.
Sa kanyang Instagram Stories kagabi, May 9, ibinahagi ni Geneva ang screenshot ng komento ng isang basher kung saan tinawag siyang “pinakapanget” sa mga magpipinsang Cruz.
Ang tinutukoy ng basher ay sina Geneva, Sunshine, Donna, at Sheryl Cruz.
Ayon pa sa basher, marami raw lalake ang singer-actress.
Mababasa sa komento ng basher, “Pinakapanget talaga tong c Geneva sa magpipinsan pero cya pa napakaraming julake while donna ang ganda matino pa”
Sinagot ito ni Geneva.
Buwelta niya sa basher: “LOL ganda mo kasi. Wag ka mainggit, that’s gonna make you uglier. Oh, you sound like a complete idiot. Take care.”
Sa kanyang caption, sinabi ni Geneva na walang pangit sa kanilang pamilya. At wala rin daw pangit sa mundo.
Ang ugali lamang ng nagkomento ang pangit kaya nagiging pangit na rin ito.
Buong caption ng Your Face Sounds Familiar contestant, na naka-all caps: “ITONG SI ______ NA WALANG FOLLOWERS THINKS HE’S SO COOL WITH HIS/HER KANTO LINGO.
“FIRST OF ALL… WALANG PANGIT SA PAMILYA KO. WALANG PANGIT NA TAO. UGALI MO LANG ANG PANGIT. WHICH MAKES YOU…PANGIT. YOU NEED A HUG.”
Geneva on her bashers
Hindi ito ang unang beses na sumagot si Geneva sa mga basher niya sa social media.
Noong nakaraang Marso, sinagot niya ang isang netizen na sinabihan siyang maitim ang kanyang singit.
Kahit mapanira minsan ang mga salitang ibinabato sa kanya ng bashers, hindi binubura ni Geneva ang mga komentong ito sa kanyang post.
Paliwanag niya noon sa PEP.ph (Philippine Entertainment Portal), maaari namang ang netizens na ang magbura ng kanilang komento.
Dagdag pa niya, hindi naman titigil ang pag-usad ng buhay niya kung may masasakit
Pahayag ni Geneva, “My life doesn’t stop when they say offensive things about me at bastos mang salitang ibinabato sa kanya ang bashers. Because I don’t know them, and they don’t know me at all.
“The only people whose opinions matter to me are that of my family and close friends. I wish them well, though.”
Use these GrabFood promo codes when you shop or order online. Marami pang ibang coupons dito.