Magkarelasyon na sina Jerome Ponce at ang newbie singer-actress/vlogger/model na si Sachzna Laparan.
Kagabi, June 4, 2021, isang sorpresang birthday celebration ang inihanda ng fans ni Jerome at Sachzna para sa aktor.
Kahapon ang ika-27 kaarawan ni Jerome.
Ginanap ang birthday surprise ng mga fans sa bahay ni Sachzna sa Antipolo.
Ayon pa sa source ng PEP.ph (Philippine Entertainment Portal), wala pa raw isang buwan ang relasyon ng dalawa.
Lumikha ng ingay sa social media ang pagbati ni Jerome kay Sachzna noong ika-23 kaarawan nito nitong May 27.
Sabi niya sa kanyang birthday greeting sa aspiring star, “Happy birthday nassib”
View this post on Instagram
Ayon sa ilang websites sa Internet, “naseeb (also spelled Nesib, Nasib or Nasip) is an Arabic term used in many languages, including Indonesian, Malay, Persian, Turkish, Pashto, Sindhi, Somali, Urdu, Hindi, Gujarati, Bengali and Punjabi."
It means "destiny or fate.”
Unang nasilayan ng publiko na kasama ni Jerome si Sachzna sa vlog ng dalaga na lumabas nito lang May 26.
May pamagat itong "SAGOT O LAGOK WITH JEROME PONCE”
SOULMATE
Kahapon din, opisyal nang inihayag ni Sachzna sa kanyang Instagram ang relasyon nila ng Kapamilya star.
Tinawag pa niya ang boyfriend na soulmate.
Pagbati niya, “Happy birthday mon âme sœur”
View this post on Instagram
Ang “mon âme sœur” ay French word na ang ang ibig sabihin ay “my soulmate.”
Ang huling karelasyon ni Jerome ay ang volleyball star na si Mika Reyes.
Noong October 2020, pumutok ang balitang naghiwalay na ang dalawa.
Inakusahan rin si Jerome ng mga tagahanga ni Mika na ang aktor daw ang nagloko sa kanilang relasyon.
Apat na taon ang itinagal ng relasyon ng dalawa.