Nagsalita na ang kampo ni John Lloyd Cruz tungkol sa pagkakaugnay ng aktor sa Kapuso actress na si Katrina Halili.
Nakausap ng PEP.ph (Philippine Entertainment Portal) si Mikki Gonzalez, ang chief operating officer ng Crown Artist Management na namamahala sa career ni John Lloyd.
Kinumpirma ni Mikki na mabuting kaibigan ni John Lloyd si Katrina.
"As far as I know Katrina is a good friend like a family to him," saad ni Mikki sa text message niya sa PEP.ph editor in chief na si Jo-Ann Maglipon.
KATRINA IN A RELATIONSHIP WITH JOHN LLOYD'S FRIEND
Tugma ito sa impormasyong nakalap ng Cabinet Files report ni Jojo Gabinete noong June 29.
Ayon sa ulat, "boyfriend ni Katrina ang matalik na kaibigan ni John Lloyd na equally controversial pero low-profile."
Ito raw ang dahilan kung bakit nakikitang magkasama sina John Lloyd at Katrina, pero kasama rin daw ng mga ito ang non-showbiz boyfriend ng Kapuso actress.
Dagdag pa ng source ng Cabinet Files, tumulong si Katrina kay John Lloyd nang bumili ang aktor ng property sa Palawan.
Nagkataong may 13-hectare property si Katrina El Nido, at alam niya marahil ang pasikot-sikot bilang hometown niya iyon.
Tila low-key naman si Katrina pagdating sa kanyang love life, at wala itong ipinapakilalang nobyo sa social media posts nito.
Sa PEP Exclusives interview kay Katrina noong September 2020, sinabi nitong pitong taon na siyang single.
JOHN LLOYD-KATRINA SIGHTINGS
May dalawang okasyon nang namataan sina John Lloyd at Katrina kasama ng ilang non-showbiz friends.
Una na rito ay nang makasabay sila ng mga turista na naglalangoy sa isang island sa El Nido, Palawan. May kasama silang isang non-showbiz guy at non-showbiz girl.
Sinasabing kuha iyon noong October 30, 2020, pero noong lamang April 2021 na-upload sa YouTube.
Sumunod na okasyon ay sa small gathering ng mga kaibigan ni John Lloyd nang magdiwang ang aktor ng ika-38 na kaarawan nitong Hunyo 2021.
Noong June 26, 2021, mismong si Katrina ang nag-post sa Instagram ng pictures nila ni John Lloyd.
Nagbahagi rin si Katrina ng litrato ng three-year-old son ni John Lloyd na si Elias. Mahihinuha sa mga litrato na malapit nga si Katrina sa mag-ama.
Kalakip ng pictures ang belated greeting ni Katrina para sa aktor.
SCENES AT JOHN LLOYD'S BATANGAS REST HOUSE
Hindi binanggit ni Katrina kung saan at kailan kuha ang mga litratong iyon.
Pero natukoy na kuha iyon sa rest house ni John Lloyd sa Nasugbu, Batangas kunsaan may ilan pang non-showbiz people na imbitado.
Naroon din ang magkasintahang Maja Salvador at Rambo Nuñez, na parehong namumuno sa Crown Artist Management.
Ayon sa source ng Cabinet Files, kabilang din sa grupong naroon ang non-showbiz boyfriend ni Katrina.
Sa report naman ng 24 Oras ng GMA News ngayong Huwebes, July 1, sinabi ni Katrina na walang isyu sa kanila ni John Lloyd.
Nag-post daw siya ng larawan ni John Lloyd dahil birthday nito, at ng anak ng aktor na si Elias dahil cute ito.
Use these Lalamove promo codes when you shop or order online. Marami pang ibang coupons dito.