Hindi mapagsidlan ang kasiyahan ng mister ni Yam Concepcion na si Miguel CuUnjieng ngayong kasal na sila.
Ikinasal ang Kapamilya actress sa New York-based boyfriend sa isang sunset cruise wedding sa New York noong Linggo, Hulyo 25 (Philippine time).
Ang pamosong Statue of Liberty ang naging backdrop sa kasalan.
Sa Instagram, ibinahagi ni Miguel ang kanyang tuwa ngayong matapos ang halos siyam na taong relasyon ay pinag-isa na sila ng tadhana.
Ayon kay Miguel sa kanyang post, nakuha niya ang mas magandang deal sa pag-iisang dibdib nila ni Yam.
Mensahe niya, “@yamconcepcion I have no words, and I love you more each day.
“Every wonderful detail was thanks to you, and you are the most stunning bride [heart, face with a slight smile shown winking, heart emojis]
“I’m getting the better end of this deal [face with a slight smile shown winking emoji]
“Thank you also @niceprintphoto for capturing the day so well!
“Thank you so much to everyone who made our celebration possible, and I can’t wait to celebrate as soon as we get the chance with @bebsconcepcion @studio222cc and @ecuunjieng [heart emoji]”
December 31, 2018 pa na-engage ang dalawa.
Si Yam mismo ang nag-anunsiyo nito sa Instagram noong June 23, 2021 lamang.
March 2016, nagkuwento si Yam sa PEP.ph (Philippine Entertainment Portal) na on-and-off relationship sila noon ni Miguel.
Pero amindado siyang love at first sight ang naramdaman nilang dalawa sa isa’t isa noong una silang nagkakilala.
Sabi ni Yam, "Love at first sight kami noon, e, unang meeting namin.
“Nagkita na kami pero naudlot because he had to leave the Philippines to study, two years yun.
“Pero two years siya nandito, nag-work siya sa SM.
“Kasi siyempre bago ka makapag-master’s kailangan at least two years working experience.
“So, pumunta siya sa Washington, D.C., nag-aral siya doon. After two years, bumalik siya rito.”