Sa tatlong magkakasunod na taon ay pinarangalan si Vice Ganda ng Reader’s Digest bilang Most Trusted Entertainment and Variety Presenter sa Pilipinas.
Malaking bagay raw para sa comedian-TV host na makatanggap ng ganitong rekognisyon dahil sa assurance na nandiyan pa rin ang mga sumusuporta sa kanya, sa kabila ng nawalan ng franchise ang kanyang home network na ABS-CBN.
“Kahit nabawasan reach ng network ko, kami pa din ang pinagkakatiwalaan ng publiko.
"Ang sarap sa pakiramdam na hindi nagbabago ang tingin sa akin ng mga tao. My following is still loyal," pahayag ni Vice sa ginanap na Reader’s Digest Trusted Brands Awards 2021.
Kung may isa mang ayaw ni Vice na mangyari sa kanya ay ang magkaroon siya ng trust issue.
“Napakalaking bagay para sa akin ng tiwala,” sabi niya.
“Ayaw na ayaw kong maka-experience ng trust issues sa mga kasama ko sa bahay, sa mga katrabaho ko, sa aking mga Kapamilya, sa aking mga kakilala at mga kaibigan.
"Kasi, di ba, kung walang trust, parang nawawala ang peace sa puso natin. Kasi alam naman natin na magkakambal ang trust at loyalty.”
Dagdag ni Vice, “When one is successful, a person will be surrounded by lot of people as a sign of support.
"But we have to be very careful who we will trust because not everyone who shows support could be really trusted.
“Trust is something that I value, and I am very careful in choosing the people that I will trust.”
Maingat daw talaga si Vice sa mga taong pinagkakatiwalaan at nagtitiwala sa kanya. Kapag pinagkatiwalaan siya, ibinabalik at ipinapakita raw niyang karapat-dapat siya sa tiwalang ibinibigay sa kanya.
“In return, I am also very careful to make sure that I reciprocate that action.
“Other people must also trust me and I should also be loyal to those who trust me. It’s hard work, but this is the kind of hard work that I gladly accept.
“Trust is earned, and I worked very hard to earn the trust of the public. And that is something that I treasure.
"It’s difficult to lose the trust of other people because it’s really painful when we experience betrayal.
"As for me, I only gave my trust to a very few people. And it’s okay kahit konti lang sila kasi sure na sure naman ako that they will take care of my trust, as I am taking care of the trust that they gave me in return.”
Dugtong pa ni Vice, “For me, it’s painful when trust is lost, but I do not dwell on the pain and hurt. I always make sure to have a positive attitude.
"I acknowledge the pain and hurt, I do not escape from the pain and hurt. I move on and I do not dwell on anger. I dwell on love.”
Positibo rin si Vice na anuman ang nangyayari ngayon, hangga’t may kabutihan o may mabubuti pa ring tao, may pag-asa.
Mukhang positibo si Vice ngayon sa mga bagay-bagay. Lalo na't pagkatapos ng tagumpay ng kanyang Gandemic concert, sa gitna ng pandemic ay may upcoming concert tour pa siya sa ibang bansa.
Bukod dito, ang relasyon niya sa boyfriend na si Ion Perez ay magtatatlong taon na sa October 2021.
Sabi ni Vice, “Hindi dapat maputol ang cycle ng kabutihan. Hindi ito dapat maputol dahil ito ang magse-save sa humanity at ito ang reality na dapat nating tanggapin.
“Ang sarap makaranas ng kabutihan, at ito ang dapat ipasa natin sa ibang tao, sa lahat ng tao.
"Madami ang nagpapamalas ng kabutihan. Ang sarap sa pakiramdam na iparanas sa iba ang kabutihan. Goodness must always be shared.
“Kahanga-hanga ang mga taong nagpapamudmod ng kabutihan, at ‘yan ang isa sa mga major goals ko sa buhay ko.”