Nagpahiwatig ang beauty queen na si Maggie Wilson tungkol sa pagpapakatatag niya matapos ang hiwalayan nila ng mister na si Victor Consunji.
Si Maggie, 32, ay isang Filipino-British beauty queen at actress. Kinoronahan siyang Miss World Philippines noong 2007.
Si Victor, 42, ay may pag-aaring construction company at galing sa pamilyang kilala sa negosyong real estate at construction.
Ngayong Miyerkules, September 29, nag-post sa Instagram si Maggie ng magandang profile shot niya.
Sinamahan niya ito ng caption na may malamang quote tungkol sa pagkakaroon niya ng tibay ng loob.
Sabi rito: “What made her strong was despite the things that hurt her she spoke of nothing, nothing but happiness."
Kasalukuyang nasa London si Maggie kung pagbabasehan ang tagged location sa kanyang litrato.
Kahapon ay nag-post siya ng Instagram Story kasama ng kapatid na si Beth Wilson at tinawag niyang "London mommy" na si Claire Apura.
MAGGIE WILSON AND VICTOR CONSUNJI'S SEPARATION
Noong Lunes, September 27, inanunsiyo ni Maggie ang tungkol sa hiwalayan nila ni Victor.
Sa kanyang official statement, inamin ni Maggie na mahirap para sa kanila ni Victor ang magdesisyong tuldukan ang labing-isang taon nilang buhay-mag-asawa.
Hindi niya sinabi ang mitsa ng kanilang hiwalayan.
Pero nilinaw niyang nananatili silang "good friends and partners."
Mayroon silang siyam na siyam na taong gulang na anak na si Connor.
Noong Hulyo ay magkasama pang nagpunta ng Maldives sina Maggie at Victor para sa birthday celebration at engagement ng kanilang malapit na kaibigan.
MAGGIE'S TRIP TO EUROPE
Nitong Agosto at Setyembre, makikita sa Instagram posts ni Maggie ang pagpunta niya sa ilang bansa sa Europe.
Huling bahagi ng Agosto ay nagtungo siya ng Spain, at noong unang linggo ng Setyembre ay nasa Greece naman siya.
Noong nagdaang linggo ay may litrato siya sa Dubai.
Hindi malinaw kung alin sa mga ito ang bakasyon o bahagi ng trabaho.
Dati nang nabanggit ni Maggie na mayroon siyang pinagkakaabalahang proyekto na nakatakdang ilunsad sa huling bahagi ng taon.
Use these Zalora vouchers when you shop or order online. Marami pang ibang coupons dito.