Palabang dinepensahan ni Bugoy Cariño ang partner na si EJ Laure laban sa bashers.
Sa kanyang TikTok account noong Biyernes, November 5, gumawa ang magkasintahan ng isang short video na kuha sa isang private pool.

Sa comments ay may ilang bashers na kinutya ang hitsura ni EJ.
Hindi ito pinalampas ni Bugoy at ipinagtanggol ang ina ng kanyang anak laban sa mean comments.
Unang sabi ni Bugoy, “MUKHA DAW BAKLA, MUKHANG NANAY, WALA DAW LAMAN PARANG PADER DAW. OK NA YUNG GANYAN KESA NAMAN SA IBANG BABAE NA PURO GANDA AT LAKI NG OSUS LANG LABAN.”

Ayon sa dating child star at Hashtags member, natatawa na lamang siya sa mga komento ng ibang netizens.
Sabi pa Bugoy, hindi naman kailangan ngayong maghanap ng partner na may itsura. Ang importante raw ay madiskarte at hindi maarte.
Saad niya, “SA PANAHON NGAYON, HINDI MO KELANGAN MAGJOWA NG MAITSURA O MALAKI COCOMELON, MAS MASARAP MAHALIN UNG MADISKARTE AT HINDI MAARTE, SIYEMPRE LOYAL.”

Pagmamalaki pa niya sa ina ng kanyang anak, “AT LEAST SI EJ, MARUNONG SA MGA GAWAING BAHAY, MADISKARTE, HIGIT SA LAHAT LOYAL.
“BAKA UNG MGA NAG COCOMMENTS DYAN UNG MGA NIYO WALANG ALAM SA BUHAY.”

Si Bugoy ay dating ABS-CBN child star na naging miyembro ng all-male group ng It’s Showtime na Hashtags.
Si EJ naman ay former UAAP volleyball player mula sa University of Sto. Tomas.
Limang taon ang agwat ng magkasintahan—ngayon ay 19 taong gulang si Bugoy, habang si EJ ay 24.
Pinag-usapan ng netizens ang pag-amin ni Bugoy na isa na siyang ama sa two-year-old girl na si Scarlet.
September 4 nang aminin ito ni Bugoy, kasabay ng kanyang ika-18 kaarawan.
Pero ang ginawang pagsasapubliko ni Bugoy na isa na siyang ama ay kumpirmasyon lamang ng balita noong 2018 na nakabuntis siya.
Itinanggi ito noon ni Bugoy, na noon ay 15 anyos lamang.
