Kinumpirma ng kilalang OPM singer na si Sheryn Regis na karelasyon niya ang YouTuber na si Mel de Guia.
Ito ay limang araw mula nang maiulat ng PEP.ph (Philippine Entertainment Portal) ang tungkol sa sweet videos nila mula sa TikTok account ni Mel.
Noong nakaraang Huwebes, Disyembre 2, nagpadala ang PEP.ph ng mensahe kay Sheryn upang alamin kung sila na ni Mel.
Isang heart emoji ang simpleng sagot noon ni Sheryn sa awtor na ito.
Ngayong Martes, December 2, tuluyang inihayag ni Sheryn na magkarelasyon sila ni Mel.
Sa pamamagitan ng Instagram, ibinahagi ni Sheryn ang litrato kunsaan karga siya ni Mel.
Kita ang matamis na ngiti nila habang nakatingin sa isa't isa.
Simpleng "YES" na may heart emoji ang caption ni Sheryn.
Pero malinaw na ito ang sagot niya sa lahat ng nagtatanong sa estado ng relasyon nila ni Mel.
Nag-post din si Sheryn sa kanyang TikTok account ng litrato nila ni Mel na magkadikit ang kanilang mukha.
Nilapatan niya iyon ng version niya ng kantang "One Hello."
Nilagyan din niya iyon ng bahagi ng lyrics ng kantang "FIRST YOU GOTTA LET THEM IN CUZ LOVE BEGINS WITH HELLO."
ICE SEGUERRA
Noong December 3, nag-post na rin sa Instagram si Sheryn ng litrato nila ni Mel kunsaan magkahawak-kamay sila habang nasisinagan ng papalubog na araw.
Heart emoji lang ang caption noon ni Sheryn, pero bakas ang saya sa mukha nito.
Sa comments section, isa sa mga nagpaabot ng mensahe kay Sheryn ay ang kapwa singer na si Ice Seguerra.
Sabi ni Ice, "So happy for you!"
Reply ni Sheryn, "Thank you Ice."
Narito ang isa pang litrato na ibinahagi ni Sheryn sa TikTok araw ring iyon:
SHERYN, A SELF-CONFESSED "LGBTQIA ALLY"
Si Sheryn ay self-confessed ally ng LGBTQIA (lesbian, gay, bisexual, transgender, questioning, intersex, asexual) community.
Nag-alay pa siya ng kanta para sa LGBTQIA community sa kanyang concert noong October 23.
Si Sheryn ay hiwalay sa asawa at mayroon silang anak na babae.
Dalawang dekadang nanirahan sa U.S. si Sheryn bago nagbalik ng Pilipinas noong 2020.
Nakilala si Sheryn sa pagkanta ng theme songs ng mga teleserye ng ABS-CBN tulad ng Marina, Krystala, Kampanerang Kuba, Gulong ng Palad, Maria Flordeluna, at Prinsesa ng Banyera.
Pumasok siya sa showbiz matapos maging second placer sa Kapamilya talent search na Search For The Star In A Million noong 2003.
WHO IS MEL DE GUIA?
Si Mel naman ay isang YouTuber na nakilala bilang kalahati ng "The Ulagas," ang YouTube channel nila ng dating kasintahang si Nicole Mendoza. Kilala sila bilang proud LGBT couple.
Umugong ang breakup nina Mel at Nicole sa online world noong September 2021, at kasabay noon ang pagkabuwag ng kanilang YouTube channel.
Nakatagpo na rin ng bagong pag-ibig si Nicole sa karelasyon na isang miyembro ng U.S. Air Force.
Use these Shopee vouchers when you shop or order online. Marami pang ibang coupons dito.