Dinepensahan nina Miss Universe Jamaica Daena Soares at Miss Universe Chile Antonia Cristal Figueroa si Miss Universe Bahrain Jess Deyani.
Ito ay matapos ibahagi ni Jess sa kanyang Instagram ngayong araw, December 10, ang hindi magagandang komento sa kanya ng ilang toxic Pinoy pageant fans.
Kaagad nagpaabot ng messages of encouragement ang kapwa niya kandidata sa Miss Universe 2021 na sina Miss Jamaica at Miss Chile.
Ayon kay Daena, huwag dapat magpaapekto si Jess sa bashers.
Sabi pa ng kandidata mula Jamaica, “You’re one of the sweetest girls ever, don’t let them get you down [heart emoji]”
Pinapurihan naman ni Miss Chile ang kandidata mula sa Bahrain.
Kahanga-hanga raw ang pagiging positibo nito kahit sa kabila ng siya ang kauna-unahang kandidata ng bansang Bahrain sa Miss Universe.
Pahayag ni Antonia, “Don’t let them put you down, you have a unique way to dress and an awesome personality, we admire your style and I believe we all know how difficult must be to be the first representative of Bahrain but here you are saying positive things to everyone and doing your best. You are admirable [clapping hands emoji]”
Sa post ni Jess kaninang umaga, sinabi nitong hindi siya nagtatanim ng sama ng loob sa mga Pinoy na bumatikos sa kanya.
Sinabi pa nitong mahal niya ang mga “kababayan” na tumutukoy sa mga Pilipino.
Bahagi ng kanyang post, “For the people who spread hate on social media - I have nothing but love for all of you. I hope that you find peace in your heart as me and my co-sisters unite to break the world's stereotypes of beauty. [praying hands emoji}
“On a positive note - I wanna thank everyone who said inspirational things and for the kind messages! Love you, kabayans!”
View this post on Instagram
Isa sa makakatapat ni Jess sa Miss Universe 2021 ang pambato ng Pilipinas na si Beatrice Luigi Gomez.