Pumanaw na ang broadcast journalist at film director na si Arlyn dela Cruz matapos ang anim na taong pakikipaglaban sa colon cancer.
Siya ay 51 taong gulang.
Binawian ng buhay si Arlyn ngayong Lunes, December 20, 2021.
Base ito sa opisyal na pahayag ng naulila niyang dalawang anak na sina Katrina Greta at Dominique.
Sabi sa Facebook post gamit ang official account ni Arlyn:
"Earlier today, our mother passed away after six years of battling colon cancer.
"During those years, she has produced, written and directed several films, had two art exhibits and continued her relentless pursuit for the truth.
"The disease did not conquer her zest for life and adventure; and she approached every new day armed with her razor-sharp wit and creativity.
"We thank everyone who has sent thoughts and prayers our way. We will share details of her wake as soon as they are finalized."
Ilan sa indie films kunsaan siya ang writer at director ay ang Maratabat (2014), Bubog (2016), at Tibak (2017).
Ang Maratabat, na entry sa New Wave category ng Metro Manila Film Festival 2014, ay nagtalakay ng clan wars sa Maguindanao.
Ang Tibak ay tungkol sa kabataan ni Jose Ma. "Joma" Sison na founder ng Communist Party of the Philippines.
Ang huling pelikulang nagawa ni Arlene ay ang Immaculada (2020), na pinagbidahan nina Elizabeth Oropesa at Ara Mina.
Bago niya pinasok ang mundo ng pelikula ay nakilala si Arlene bilang broadcast journalist sa ABS-CBN at Net 25.
Siya ay news director din sa Radyo Inquirer.