Sa unang pagkakataon ay nakitang kasama nina Cherry Pie Picache at Edu Manzano ang respective kids nilang sina Nio Tria at Luis Manzano.
Si Luis, 40, ay anak ni Edu sa Star For All Seasons na si Vilma Santos.
Si Nio, 18, ay anak ni Cherry Pie sa dating partner at cinematographer na si Gary Tria.
Nagpakita mismo sina Cherry Pie, Edu, at Luis sa Zoom media conference ng ABS-CBN Entertainment at iQiyi series na Saying Goodbye, kung saan kasama sa humarap sa press si Nio bilang bahagi ng cast ngayong Lunes ng hapon, December 20.
Sa isang bahagi ng media conference ay kumaway sina Cherry Pie at Edu habang naka-on cam si Nio sa press conference.
May isang beses ding sina Edu at Luis naman ang nagpakita sa camera na nasa likod ni Nio.
Nang matanong si Nio sa press conference tungkol dito, sinabi nitong unang beses niyang nakasama si Luis na magkarelasyon na ang kani-kanilang mga magulang.
Kuwento ni Nio, "Actually, first time naming mag-meet today. I met him before kasi, my mom guested sa Deal Or No Deal I think, around five, six years ago, and now’s the only time I get to meet him again."
Nang tanungin kung kumusta ang pagkikita nila, sagot ni Nio, "Okay naman."
Ayon sa newbie actor, nahihiya pa siya kay Luis pero sabi niya, "I'm sure we’ll become closer in the future."
Unang beses daw na talagang nagkita noon sina Luis at Nio noong bata pa siya, nang magkatrabaho sina Cherry Pie at Luis sa Kampanerang Kuba noong 2005.
Iyon daw ang una nilang naging pag-uusap nang magkita sila kanina.
Sabi ni Nio, "Nangangamusta lang kasi he’s known me before when I was a kid because my mom worked with him in a project when I was around three years old.
"Parang sinasabi lang na ang laki ko na ngayon, like I grew up so fast. That’s it lang."
HAPPY FOR MOM
Sabi naman ni Nio, full support siya sa relasyon nina Cherry Pie at Edu.
Ani Nio, "I love my mom so much, so seeing her happy right now also makes me happy!"
Ikinatuwa pa ni Nio na masaya rin ang lahat para sa kanyang ina dahil sa new-found romance nito.
Saad niya, "Well, actually masaya naman po lahat, everything that’s happening right now.
"Siyempre, noong nakita ko iyong balita, lumabas na sa balita that they were dating, hindi na ako nagulat kasi siyempre alam ko na before pa na pinupuntahan ni Tito Edu iyong mom ko.
"So, nami-meet ko na siya and I get to interact to him, talk to him as well. So, noong napalabas na online, sabi ko, 'Okay, that’s good,' na alam na ng mga tao, na supportive sila.
"I'm really happy na supportive lahat ng tao and nagulat kami lahat na naging trending. Pero wala, I'm just really happy for my mom kasi masaya siya ngayon and she deserves to be happy."
Boto rin daw si Edu kay Cherry Pie, lalo na't mas nakikilala na niya ito ngayon.
"Now, I'm starting to get to know him as well kasi, siyempre, we’d have lunch, we’d have dinner some time with my mom. So, I'm starting to get to know him also."
Bukas din daw si Nio sa posibilidad na maging stepfather niya si Edu.
Sabi niya, "I support my mom and I respect her decisions.
"And if ever, in the future, they would want to get married and become my stepdad, I would accept it because I trust my mom’s decision naman."