Nakini-kinita na raw ng broadcaster na si Korina Sanchez ang pagtatapos ng pamamayagpag ng trolls online.
Sa kanyang Instagram ngayong Miyerkules, January 19, 2022, ibinida ni Korina ang kanyang tila bagong pictorial kung saan may face painting na ginamit sa kanyang make-up.
Pakiramdam daw niya, ito ang magiging hitsura niya kapag naiisip ang kanyang pagwawagi laban sa kasamaan at kasinungalingan.
Pahayag ng Kapatid broadcaster, “When I think about good winning over evil, truth winning over lies, healing winning over abuse, victims getting even with the tormentors, undeserved and unseen enemies shamed and struck down—I feel like painting myself all over and dancing in a mardi gras.”
Nagpasalamat din si Korina sa mga tumugon sa panawagan niya kahapon, January 18, na makipag-ugnayan sa kanya ang biktima ng paid trolls.
READ: Korina Sanchez begins crusade against paid trolls: "Hiyain muna natin nang todo bago pakulong."
Mensahe ni Korina: “Thanks to all those who messaged and called and are now collaborating on our anti-troll project. Super appreciate you see the value of ending their existence. In God’s Mighty Name, Amen.”
View this post on Instagram
Matatandaang inanunsiyo ni Korina na sisimulan niya ang isang krusada laban sa mga bayarang trolls.
Bilang isa sa paboritong target ng bashers sa social media, sinabi ng Rated Korina host na may bayarang trolls na walang ibang ginawa kundi manghamak ng kapwa.
Hina-hire daw ang trolls ng mga taong walang lakas ng loob upang kumprontahin at sabihin nang harapan ang nasa isip nila.
Kaya panawagan niya sa mga katulad niyang biktima ng pamamahiya sa social media: “If you’re a victim of online harrassment by paid trolls email me on korina_abs@yahoo.com and I will give you the tips how to put them in their place.
“There are administrative and legal remedies for this. Ipakulong natin sila.
“Hiyain muna natin nang todo bago pakulong. Im in touch with the Senate about this currently. Im on your side, being a victim myself. There’s a way.”