Nilinaw ni Angelina Cruz na walang problema sa komunikasyon sa pagitan nila ng amang si Cesar Montano.
Si Angelina ay panganay sa tatlong anak na babae ni Cesar sa ex-wife nitong si Sunshine Cruz.
Hindi kaila sa publiko ang masalimuot at kontrobersiyal na hiwalayan nina Cesar at Sunshine noong 2013.
Bukod sa annulment case, dumaan sila sa matinding court battle dahil sa patung-patong na reklamo ni Sunshine laban kay Cesar.
Nasa poder ni Sunshine ang tatlong anak nila ni Cesar na sina Angelina, Samantha, at Chesca.
Na-annul ang kasal nina Sunsine at Cesar noong 2018, at eksklusibong ibinahagi ng aktres sa PEP.ph (Philippine Entertainment Portal) ang balitang iyon.
Fast forward to present time, lumalabas na ibinaon na sa limot ni Sunshine pati ng kanyang mga anak kung anuman ang pinagdaanan nila noon.
Noong February 10, 2022, nakapanayam ng entertainment writers si Angelina sa virtual media conference para sa launching ng single niyang "Ayoko Lang" ng Universal Records.
Dito ibinahagi ni Angelina na ang kanyang ina pa ngang si Sunshine ang nagsasabi sa kanilang magkakapatid na sumama kay Cesar kapag nag-aaya itong lumabas at mag-bonding.
Aniya, "No communication? Hindi totoo yun. We're on good terms with our dad.
"Whenever our dad makes aya, our mom pushes us to go, 'Go out with your dad.' She doesn't stop us naman."
Tulad na lamang noong December 2021 kunsaan nagkita si Cesar at tatlong anak para sa isang dinner date.
Ang kapatid ni Angelina na si Samantha ang nag-post ng litrato nila noon via Instagram Story.
Birthday celebration daw iyon ng bunsong kapatid ni Angelina na si Chesca.
Kuwento pa ni Angelina, "Yung dad ko ang nag-aya, this was taken nung December. We celebrated my youngest sister's birthday nung December 1.
"I think it was a week after nung birthday niya.
"We were talking. We were going through old photos on his phone. He was showing old photos, 'O, do you remember this?'
"And then we saw one photo, 'O, let's reenact this.' So we did that photo again, para may side by side na photo. Nakakatuwa."
ANGELINA ON SUNSHINE'S RELATIONSHIP WITH MACKY
Sa panayam kay Angelina, sinabi rin nitong masaya siya sa love life ng mommy niyang si Sunshine.
Suportado niya at ng kanyang mga kapatid sakaling magdesisyon si Sunshine at ang nobyo nitong si Macky Mathay na magpakasal.
Higit limang taon nang magkasintahan sina Sunshine at Macky.
"Whatever will make her happy, I will one hundred percent support it," sabi ni Angelina.
"At the end of the day, it's her decision. It's her and Tito Macky's decision. Whatever makes her happy, kami ng sisters ko, we'll support it."
Para kay Angelina, marami siyang napansing magagandang katangian ni Macky. Pero ang pinakamahalaga sa lahat ay saksi raw siya kung gaano nito kamahal ang ina.
"Like what I've said before, yung pag-aalaga niya kay Mommy. He really pays attention to details talaga and he really makes her happy.
"I'm really happy for both of them."
ON previous attacks from SEXUAL PREDATORS
Noong 2020, naging biktima ng sexualization sa social media hindi lang si Sunshine kundi pati si Angelina at dalawa pang kapatid.
Ang ibang sangkot ay schoolmates pa ng magkakapatid. Pumalag dito si Sunshine kaya't huminto ang mga nambabastos sa kanila.
Tinanong ng PEP.ph si Angelina kung may netizens pa bang gumagawa nito sa kanila ngayon.
Sagot niya, "Wala naman na ngayon. I feel that the people who've done that before, they learned their lessons. And the people who witnessed that, they learned from it and they realized something.
"I hope they realized na hindi yun tama—to objectify women no matter what they wear. We are still people. We are still human.
"Yung photo nasa pool, nasa beach, kaya ayun po."
ON NEW SINGLE
Sa ngayon, excited si Angelina sa bagong single niyang "Ayoko lang."
"I really chose this song kasi yung sound ng 'Ayoko Lang' with my past song, iba siya, iba yung genre.
"I feel, with this genre, I want to explore more. Itong song na 'Ayoko Lang' is one step closer towards the genre and song that I want to explore and really release.
"On top of that po, the lyrics, sobrang relatable and sobrang nag-resonate ako."
Gustung-gusto rin ni Angelina sa mensahe ng kanta tungkol sa pagmu-move on.
"I want them to use this song to maybe a way to heal, maybe a way to make them realize that it's okay to go through tough things, whether it's in personal relationship or anything really.
"It's okay to move on. It's okay to go through personal things and you will realize that it's time to love yourself and it's time to heal.