Binasag na ni Diego Loyzaga, 26, ang pananahimik makalipas ang higit isang buwan mula nang kumpirmahin ni Barbie Imperial, 23, na break na sila.
Read: Barbie Imperial confirms breakup with Diego Loyzaga; reveals love lesson learned
Kagabi, March 8, 2022, eksklusibong nakapanayam ng PEP.ph (Philippine Entertainment Portal) si Diego sa after-party ng Vivamax movie na Adarna Gang sa isang restaurant sa Gateway Mall sa Quezon City.
Dito kinumpirma ni Diego na totoong hiwalay na sila ni Barbie.
Nilinaw rin niyang hindi sila nagkabalikan, kahit pa nagkita sila sa isang restaurant sa Pasig City noong March 3.
Read: SPOTTED: Are Diego Loyzaga and Barbie Imperial back together?
"It's fine, my heart is fine," tukoy ni Diego sa estado ng kanyang puso.
Pero sa real score sa kanila ni Barbie, sabi niya, "Balikan? Hindi, we're friends."
"Friends in talking terms" ang paglalarawan ng aktor sa relasyon nila ni Barbie, lalo't malalim ang kanilang pinagsamahan.
Sa maniwala't hindi raw ang publiko, maayos silang naghiwalay ni Barbie.
"We said that in the get-go. As soon as we came up with the news, as soon as Barbie told ABS that we have broken up. She said naman we didn't end in bad terms.
"Although I'm sure a lot of people have stories that would say otherwise, even close friends of ours, wala namang ibang nakakaalam kundi kaming dalawa lang, e.
"Maraming gustong makialam, it happens, pero wala namang nakakaalam kundi kaming dalawa lang," pagtatapat pa ni Diego.
Pero hindi naman sinabi ni Diego kung ano nga ba ang mitsa ng hiwalayan nila ni Barbie.
Read: Diego Loyzaga and Barbie Imperial: a year-long love story
Lalo na't sweet pa sila sa isa't isa nang ipagdiwang nila ang kanilang first anniversary bilang couple noong December 2021.
Kaya naman ikinatuwa ng mga tagasuporta nila nang makitang nagkita sila kamakailan.
NON-COMMITTAL IF A RECONCILIATION IS POSSIBLE
Posible kayang magbalikan sila?
Sagot ni Diego: "No matter what I answer you right now, it depends on what she feels towards me and what I feel toward her.
"And right now, I have nothing but love. I have nothing but love to give.
"We went through too much together to hate each other, na parang to despise each other.
"This isn't grade school, this is not high school."
Basta ang masasabi raw ni Diego ay hindi imposibleng maging maayos sila ni Barbie kahit hiwalay na sila.
"I'm not saying that couples who break up and then hate each other in the end are immature, kasi may problema na talagang sobrang laki na, na they can't get back or they can't talk back to each other anymore.
"I'd like to think that they just need more time para maayos pa ang lahat.
"But we're definitely friends in talking terms," saad ni Diego.