Trending sa Twitter ngayong araw, April 12, 2022 si Claudine Barretto at ang namayapa nitong boyfriend na si Rico Yan matapos idawit ng aktres ang pangalan ng yumaong aktor sa post nitong may kinalaman sa pulitika.
Ayon kay Claudine, si Rico ay "true blooded Marcos" at hinahangaan umano nito si Ferdinand "Bongbong" Marcos Jr. pati na si Pangulong Rodrigo Dutertenoong nabubuhay pa ang aktor.
Nag-umpisa ito sa pagdedeklara ni Claudine sa Instagram kagabi, April 11, na ang sinusuportahan niya sa pagkapresidente sa May 9, 2022 elections ay si Marcos Jr.
Si Claudine ay kumakandidato rin ngayong eleksyon bilang konsehal sa Olongapo City.
Read: Claudine Barretto running for councilor in Olongapo City; Arnold Vegafria eyeing mayoral post
View this post on Instagram
Sa comments section ng kanyang post, hati ang reaksiyon ng fans ni Claudine.
May fans siyang sinusuportahan ang kandidatura ni Vice President Leni Robredo at mayroon ding si Marcos Jr. ang sinusuportahan kagaya niya.
Isang follower ni Claudine ang naghayag ng kanyang saloobin ukol sa post ng aktres. Base sa komento ng netizen, tagahanga ito ng love team noon nina Claudine at Rico.
Ayon sa netizen, kung buhay pa si Rico ay malamang daw na si Leni Robredo ang iendorso nito. Noong nabubuhay pa raw kasi si Rico ay tumanggi itong iendorso ang sinuman sa mga Marcos.
Komento ng netizen: “I have loved you ever since and I respect your choice, Clau. But my vote goes to VP Leni.
“Had Rico Yan been alive, he’d choose VP Leni also. Remember? Rico Yan stood up against the Marcoses and refused to endorse any of them.
“Good luck in the upcoming elections, Clau.”
WAS RICO PRO-BBM?
Walang sagot na makikita sa Instagram ni Claudine, pero batay sa mga kumalat na screenshots sa Twitter, tila sinagot ito ng aktres ngunit binura niya pagkatapos.
Ayon kay Claudine, noong bandang 2000 ay nakilala nila ni Rico si President Rodrigo na posibleng mayor pa lang noon ng Davao City, ang anak nitong si Sara Duterte, at maging si Bongbong Marcos.
Sabi pa ng aktres, hinahangaan daw noon ni Rico ang mga nasabing personalidad.
Isiniwalat din ni Claudine na ang kanyang buong pamilya, maliban sa kapatid na si Marjorie Barretto at mga anak nitong maka-Leni, ay maka-BBM.
Maging ang ina raw ni Rico na si Teresita Castro-Yan ay "BBM rin" gaya ng ina ni Claudine na si Inday Barretto.
Nakasaad sa deleted screenshot ng sagot umano ng aktres: “It was about year 2000 when we met with President Duterte. In that same year we met Maam Sara & lastly BBM.
“Rico looked up to these people. Our whole family is BBM, only Marjorie and her kids are Leni.
“Tita Sita Yan & I & my Mom BBM rin po. Pls let us respect everybody.
“Stay safe and God bless all of you.”
Muling nagkomento ang netizen.
Sinabi nitong hindi raw matutuwa at magiging proud si Rico sa sinabing ito ni Claudine.
Kalakip ng post ng netizen ang video clip ng lumang episode ng The Correspondents noong 1999, kung saan si Rico ang nagsilbing host sa isang feature tungkol sa martial law.
Ang martial law ay idineklara ng yumaong diktador at dating Presidente Ferdinand Marcos noong September 1972 at nagtagal hanggang January 1981.
Ni-replay ang episode na iyon ng The Correspondents bilang tribute sa aktor matapos itong pumanaw noong March 29, 2002.
Sabi ng netizen kay Claudine: “Will respect your choice, Clau, but Rico will not be happy and proud of it had he been alive! Watch this video of Rico standing up against the Marcoses, The Correspondent 1998: https://youtu.be/yO3mZNZcNh8.”
Sinagot ni Claudine ang nasabing komento ng netizen.
Giit niya: “RICO IS A TRUE BLOODED MARCOS & Admires BBM also PRESIDENT DUTERTE When we met all in Person in Davao.”
Aprubado naman ng kapatid ni Rico na si Tina Yan ang komentong ito ni Claudine dahil naglagay ito ng tatlong heart emojis sa post ng aktres.
May ilang netizens ding nagpaalala na ang yumaong lolo ni Rico na si General Manuel Yan Sr. ay isa umano sa high-ranking officials noon na tumutol sa pagdedeklara ng martial law.
Walang sagot si Claudine dito.
DRAGGING RICO YAN IN HER POLITICAL AMBITION?
Si Claudine ay tumatakbo sa pagkakonsehal sa siyudad ng Olongapo.
Dahil dito, inaakusahan siya ng ilang netizens sa Twitter na ginagamit umano ang namayapang ka-love team para sa kanyang ambisyon sa pulitika at para mapag-usapan.
Komento ng isa: "Can claudine keep Rico yan out of her mouth. Pansin ko lang every time na gusto nyang maging "relevant" again, she always uses Rico's name"
Ayon naman sa isa pa: "Can Claudine Barretto stop exploiting a dead man already? This has gone too far. Rico Yan does not deserve this."
Narito ang ilan pang komento ng netizens:
Wala pang sagot si Claudine sa komento na ito ng netizens.