Miyembro ng Iglesia Ni Cristo (INC) ang 2016 Cannes Film Festival best actress na si Jaclyn Jose.
Siya ang kauna-unahang popular showbiz personality na nagtanggol laban sa mga batikos na natatanggap ng kanyang kinaanibang religious group mula nang opisyal na ideklara ng INC na sina Ferdinand Marcos Jr. at Sara Duterte ang presidential at vice presidential aspirants na susuportahan ng kanilang mga miyembro sa darating na eleksyon.
Read: Iglesia Ni Cristo, opisyal nang inendorso ang kandidatura nina Marcos at Duterte
Mabilis na nag-trending sa Twitter Philippines ang INC ilang minuto matapos ilabas ng pamunuan nito ang listahan ng mga kandidatong kanilang iboboto kahapon, May 3, 2022.
Nakatanggap ng batikos at pamumuna mula sa netizens at maging sa ilang kaanib umano ng INC ang piniling mga kandidato ng religious group. Karamihan sa mga bumatikos ay sumusuporta sa mga kandidatura nina Vice President Leni Robredo at Senator Kiko Pangilinan.
Ngayong Miyerkules ng gabi, May 4, ginamit ni Jaclyn ang Instagram account niya upang ilabas ang saloobin at depensahan ang kanyang kinaaanibang religious group laban sa mga batikos.
Kalakip ng kanyang post ang larawan ni Marcos Jr. na may hawak ng bandila ng Pilipinas at nasa tabi ng isang malaking tigre.
Pahayag ng aktres (published as is): "I just want deffend our vote, watching a channel na parang d na maganda sinasabi sa INC. Na para bang nasa 10 commandments na at foul na talaga."
Hindi sinabi ni Jaclyn ang pangalan ng TV network na kanyang tinutukoy.
Patuloy niya, “pasensiya na po..nasasaktan lang..ganun po talaga kami..sobra na po..sana wal naman sakitan ng Religion..
"wala ako sa posisyon mag salita may mga leader po kami na makakapag paliwanag..
"ganun po talaga kami mga miembro nag kakaisa..wala na po kayo magagawa.ang respeto namin ay nasa aming pagkakaisa bilang Iglesia..
"sorry po..may malalim po kami pag uunawa ukol sa mga bagay na ito..salamat po"
RELATED STORIES:
- 2022 PRESIDENTIABLES | Leni Robredo: Beating the odds
- 2022 PRESIDENTIABLES | Ping Lacson: The Supercop Senator
- 2022 PRESIDENTIABLES | Bongbong Marcos: Unfazed by controversies
- 2022 PRESIDENTIABLES | Manny Pacquiao: From kargador to boxing legend and senator
- 2022 PRESIDENTIABLES | Isko Moreno: From basurero in Tondo to Manila mayor
- 2022 PRESIDENTIABLES | Leody de Guzman: The Labor Leader