May pang-asar muli si Pinoy Big Brother: Kumunity Season 10 Fifth Big Placer na si Brenda Mage sa bashers.
Ngayong Miyerkules, June 8, 2022, ipinaalam ni Brenda sa kanyang followers na gumagastos talaga siya para sa bago niyang boyfriend na si Gio Sta. Ana.
Binilhan niya ang nobyo ng bagong iPhone.
Dahil sa kanyang regalo, binigyan naman siya ng boyfriend ng pinakulob na itik.
Caption ni Brenda sa kanyang Facebook post: “Oh diba ang Sweet.. Binigyan ko sya ng Iphone binigyan nya ako ng pinakulob na Itik hahahahaha….
"Oh mga Maritess nagbigay na ako ng iphone tama kayo gastos talaga pag manglalaki haha…”
May paliwanag si Brenda kung saan niya kinuha ang pinambili ng bagong cellphone.
Kumita na raw kasi ang vlog niya noong bumisita siya sa bahay ni Gio, at ito bale ang kanyang share sa nobyo.
Dagdag niya, “oops Share ko yan sa kanya dahil sa income ko sa Vlog nung bumisita ako sa bahay nila”
Nitong mga nakaraang araw, pinangunahan na ni Brenda ang netizens na maaaring sabihan siyang pera lang ang habol sa kanya ng bagong boyfriend.
Wala raw siyang pakialam sa mga ito.
Aniya, “Anu ngayon kung pera lang habol sakin ng lalaki at niloloko lang ako! Big deal?
"Yung magaganda at pogi nga naglolokohan eh anu pa ganitong mukha ahaha anu to Para sa inyo lang Valid ang Feelings hahahaha
"Taas ang kamay sa mga di gumagastos sa Jowa yung malinis ang Relasyon ahahaha HAPPY?”
READ: Brenda Mage proud to introduce new boyfriend; laughs off naysayers
June 2, 2022 inanunsiyo ni Brenda na mayroon siyang bagong boyfriend.