Lumipat na ng bagong tirahan si Jake Cuenca ilang linggo matapos silang maghiwalay ni Kylie Verzosa.
Sa Instagram kahapon, June 8, 2022, ibinahagi ni Jake ang larawan niya sa loob ng bagong condominium unit.
May suot siyang T-shirt na may imprentang “Buhay Serye.”
Caption niya sa post: “May this new home be blessed with laughter, hope, dreams, goals, creativity and expression. Here’s to new beginnings. [dizzy emoji] #buhayserye”
View this post on Instagram
Huling bahagi ng April 2022, inamin ni Jake na hiwalay na sila ni Kylie pagkatapos ng tatlong taong relasyon.
Nagsama ang dalawa mula nang nagkaroon ng COVID-19 pandemic.
READ: Jake Cuenca confirms breakup with Kylie Verzosa
Ayon kay Jake, hindi madali ang desisyon nilang maghiwalay ni Kylie.
Sabi nito sa kanyang Instagram post noong April 23, "I’ll hold on to all our precious memories together with so much value.
"This past 3 years of my life have certainly been the best.
"I say this with such a heavy heart but me and Kylie have decided to go our separate ways.”
Hiwalay man ang landas, sinabi ni Jake na nananatili silang mabuting magkaibigan ng ex-girlfriend.
Sa vlog naman ni Vice Ganda noong May 30, sinabi ni Kylie na hindi niya inakalang mauuwi sa hiwalayan ang pagsasama nila ni Jake.
Saad ng Miss International 2016, “Akala ko siya na. Alam mo yung ganun? Hindi masyado.
“Akala ko hindi na ako magkakaroon ng heartbreak, akala ko siya na, pero… tsaka nagmahalan kami, we loved each other.
“Sobrang happy kami sa relationship, and sobrang grateful ako sa relationship. Hindi ako in shock, pina-process ko pa talaga lahat, process siya.”
READ: Kylie Verzosa finally opens up about breakup with Jake Cuenca: "Akala ko siya na."
Mutual daw ang hiwalayan nila dahil pinag-usapan pa nila ni Jake ang lahat bago lisanin ni Kylie ang condominium unit ng aktor.
Iniwan na rin ni Jake ang nasabing tirahan upang makapagsimula ng bagong buhay.