Nitong nakaraang Father’s Day, June 19, 2022, nagbahagi ang veteran broadcaster na si Korina Sanchez ng video ng asawang si dating Department of Interior and Local Government (DILG) Secretary Mar Roxas.
Kasama ni Mar ang kambal nilang anak ni Korina na sina Pepe at Pilar.
Ayon kay Korina, marami pa rin ang nagtatanong kung bakit hindi na pumapalaot sa pulitika ang asawa.
Hindi na raw tinatanong ng broadcaster si Mar ukol dito dahil alam na niya ang kasagutan.
Pero palagi raw niyang pinaalalahanan ang mister na marami itong nagawa sa Pilipinas sa loob ng tatlumpung (30) taong paninilbihan nito bilang public servant.
Naging kongresista si Mar sa First District ng Capiz mula 1993 hanggang 2000; saka naging senador mula 2004 hanggang 2010.
Nanungkalan din siya bilang secretary ng Department of Transportation (2011-2012) at Department of the Interior and Local Government (2012-2015) noong administrasyon ni yumaong Pangulong Noynoy Aquino.
Sabi ng Rated Korina host sa kanyang Instagram post, “A lot of people ask about why Mar isn’t in politics now.
"I don’t bother asking him because I know. Although I do remind him that he has done SO much for this country out of the best years of his life as it is. All 30 or so years in office.”
Ngayon daw na naging tatay muli si Mar, kumbinsido itong ang pagiging ama ay walang katumbas na halaga na legasiya nito sa mundo.
Ito raw ang pinakamasaya at pinakaimportanteng posisyon ngayon ng asawa.
Ang panganay ni Mar na si Paolo Roxas ay anak niya sa dating beauty queen na si Maricar Zaldarriaga.
Saad ni Korina, “So now he is again a father—to twin 3 year old firecrackers Pepe en Pilar. I’m convinced.
“Out of all that he has contributed the best way he knows how for the good of this country and its people, his children Paolo, Pepe en Pilar are yet his most priceless legacy for this planet.
“And this is now his happiest and most important position to date. [green heart, clinking glasses, face with heart-shaped eyes emojis] #HappyFathersDay #BestDad #FathersDay”
View this post on Instagram
Noong October 2020, sinabi ni Korina na retirado na sa pulitika ang asawa.
Read: Korina Sanchez reveals husband Mar Roxas has retired from politics: "Ayaw na niyang bumalik."
Tatlong eleksyon ang dumaan na hindi ito pinalad.
Noong 2010 ay tumakbo siyang bise-presidente ngunit pumangalawa lamang siya kay Makati Mayor Jejomar Binay.
Noong 2016 elections, tinalo siya ni Davao City Mayor at ngayon ay President Rodrigo Duterte sa pagkapangulo.
At noong 2019 elections, tumakbo siya sa pagkasenador pero hindi siya pinalad makapasok sa Magic 12.