Punung-puno ng pasasalamat si Shyr Valdez dahil napabilang siya sa First Lady, ang sequel ng First Yaya.
Kinuwento niya sa PEP.ph (Philippine Entertainment Portal) ang "best part" na pagiging sa cast ng top-rating series.
"Well, there are actually two, two very good parts.
“First, I am working with people I already know, I’ve workled with a number of times already.
"And the second is yung makasama ko yung mga colleagues from the other channel na lumipat sa atin, sa GMA. Kakai, Thou, Cai, mga galing silang ABS, di ba?”
Sina Kakai Bautista, Thou Reyes, at Cai Cortez ay dating mga Kapamilya na ngayon ay Kapuso artists na at kasama rin sa First Lady.
Patuloy ni Shyr, “So yung hindi mo inisip na makakatrabaho mo, nakatrabaho mo dito sa First Lady.
“So nakakatuwa kasi nakasama ko sila mag-work and they’re fun to work with.
"Nung una siyempre medyo kapaan, pero habang tumatagal, maaayos naman, malalambing, maaayos na mga bata rin, makukulit, alam mo yun? So it’s alright.”
WORKING WITH SANYA LOPEZ
Papuri rin ang binitiwang salita ni Shyr para sa First Lady female lead star na si Sanya Lopez.
“Oh, I love Sanya! I love Sanya. I’ve worked with Sanya with one endorsement and then I’ve worked with her in Half Sisters, Cain At Abel.
"Sanya is like an anak-anakan to me so si Sanya to this day, pag nagkikita kami niyan ang tawag niya sa akin, 'Ma.'
"‘Ma, Ma, Ma. Ma, gusto ko ng ganito.’ So Sanya is like a daughter sa akin. At saka hindi mahihiyang magsabi sa akin iyan kung ano ang gusto niya. Ganung klase."
Magtatapos na mamayang gabi, July 1, 2022, ang First Lady, sino ang mami-miss ni Shyr?
“I will miss Nanay Sandy,” bulalas ni Shyr patungkol sa beteranang aktres na si Sandy Andolong.
“I will definitely miss Nanay Sandy. I mean I will miss everyone, but I will miss Nanay Sandy, itong si Jinky, si Ana Banana, iyan si Glenda, tapos sino pa ba?”
Jinky ang palayaw ni Samantha Lopez, si Anna Banana ay si Analyn Barro, at si Glenda ay si Glenda Garcia.
Bukod sa mga kapwa niya artista ay mami-miss rin daw ni Shyr ang buong production team at crew ng First Lady, at siyempre ang kanilang mga direktor na sina LA Madridejos at Rechie del Carmen.
Aniya, “Actually lahat kasi ang tagal naming magkakasama kasi you have to remember, we had to work in a lock-in taping so technically...
"Alam mo na yung, di ba sabi nga, you get to know, if you wanna get to know a person, magsama kayo sa isang bahay.
“So ito, we were living in one community. As in makikita nila kami hindi pa nagtu-toothbrush, paglabas maglalaba, kakain, magluluto.
"So there’s really familiarity, there’s family there, in essence talaga the whole production of First Lady.”
LOCK-IN TAPING VERSUS UWIAN
Nabanggit na rin lamang ang tungkol sa lock-n taping, mas gusto ba ito ni Shyr o mas gusto niya ang nakasanayan dati sa showbiz na uwian pagkatapos ng taping?
Sagot niya, “Actually pareho, actually pareho. Pareho naman siytang may advantage, meron ding disadvantages.
"Yung lock-in kasi, andiyan na kayo lahat so kahit anong oras ka i-call, nandiyan talaga iyan.
“Ang disadvantage lang kasi ng lock-in, hindi naman kami araw-araw nagte-taping, e, di ba? May schedule."
At natawa si Shyr, "So hindi ka makaraket sa iba, di ba? So iyon lang yung disadvantage nun."
Dagdag niya, “Yung sa uwian naman, ang disadvantage niya, ninenerbiyos ka kasi kahit paano may pandemic pa.
"Hindi mo alam kung saan pumunta yung iba, siyempre pag naghiwa-hiwalay kayo. Pero okay naman.”
May ibang artista na mas gusto daw ang lock-in dahil hindi bumibitiw sa karakter, tipid sa gasolina, at marami pang rason.
Tanong ng PEP.ph kay Shyr, kapag nagbalik na ang lahat sa normal, kapag wala ng pandemya, alin ang mas gusto niya?
May hugot ang kanyang tugon, “Ah, hindi, sa uwian pa rin ako. Kasi, hindi lang naman ito ang trabaho ko, di ba?
"At saka ang hirap din ng hindi mo nakikita ang mga mahal mo sa buhay. Ang hirap din.”