Kinumpirma ni Cassy Legaspi na nag-travel silang dalawa ni Darren Espanto sa isang beach sa Nasugbu, Batangas kamakailan.
Pagtatapat ni Cassy, wala silang kasamang chaperone.
"Yeah, yeah. It was just the two of us," pag-amin niya sa eksklusibong panayam ng PEP.ph (Philippine Entertainment Portal).
Ang Batangas getaway ng dalawa ay naibahagi ni Darren sa Instagram nito noong August 28, 2022.
Iyon din ang unang pagkakataon na nag-travel silang dalawa ng Kapamilya singer.
"Yeah, it was our first time,” pag-amin pa ng Kapuso actress.
"Masaya naman siya. We've been wanting to go out of town for so long. 'Tapos finally, our schedules were swak. So, OK, let's go! So we went.”
Hindi naman umano nahirapang magpaalam sa kanyang parents na sina Carmina Villarroel at Zoren Legaspi ang dalaga.
Sambit ni Cassy, "Ah, no. Because my parents super trust D.
"Super trust," pagdidiin pa niya.
"So, nung nagpaalam ako, they said, 'Okay lang. Just be safe. Update lang."
- Zoren Legaspi secretly takes a video of daughter Cassy dining with Darren Espanto at home
- Carmina Villarroel, nagsalita tungkol sa beach getaway nina Cassy at Darren
- Darren Espanto describes Cassy Legaspi's dad Zoren "very nice and chill na dad"
ON DAD ZOREN'S "PAPARRAZI" VIDEO
Natawa naman si Cassy nang tanungin ng PEP.ph tungkol sa "paparazzi" video ni Zoren nang bumibisita sa kanya si Darren.
Matatandaang noong Hulyo ay sorpresang nagpunta si Darren sa bahay ng Legaspi nang kararating niya ng bansa galing sa isang show sa Canada.
Lahad ni Cassy: "Yes! My dad is always like that. When nagbi-visit si D, my dad always do it like that.”
At nagmuwestra siya kung paano kumuha ng video si Zoren sa kanilang dalawa ni Darren.
"'Tapos minsan nahuli ko siya [Zoren] na, 'Why are you videoing?'
"'Tapos yun, matatawa na lang si D.
"Ako naman yung, 'I'm so sorry.’ E, siya [Darren] naman is, 'It's okay. It's okay.’"
Sinabi rin ni Cassy na maging siya ay nagulat kung bakit parang kinikilig si Zoren sa kanilang dalawa ni Darren.
"I know, I'm surprised. Kasi usually super strict siya. Pero kay D, I guess kasi they know each other. So, super trust niya si D. So, okay naman.”
CASSY AND DARREN'S NEXT TRAVEL GOAL
Binanggit din niya ang next travel goal nila ni Darren.
"Where I want to go... Japan. Japan talaga.
"We were talking about it na for so long. Sana one day, we get to go. Kasi it's my favorite country. Siya, he never went. Di ba, he's always traveling. He never went to Japan.”
Dahil nakarating na si Cassy sa Japan, willing daw siya na maging tour guide ni Darren.
"Ako naman yung, 'Welcome to Shibuya!’ Ako na yung tour guide niya.”